Euskal Herriko Gay-Les Askapen Mugimendua

EHGAM
Datuak
Izen ofiziala	Euskal Herriko Gay-Les Askapen Mugimendua
Izen laburra	EHGAM
Mota	LGBTQ+ rights organization (en)
Herrialdea	Euskal Herria
Prentsa-organoa	Gay Hotsa
Gazteria	Gaztehgam
Historia
Sorrera	1977
	www.ehgam.eus;

Euskal Herriko Gay-Les Askapen Mugimendua edo EHGAM, Euskal Herriko gay eta lesbianen mugimendua da.

EHGAM-ek mugimendu pluralista, autonomo eta iraultzailetzat du bere burua. Euskal Herri osoa dauka jardueragune, tokian tokiko errealitate sozialera egokituz.^[1]

Sorrera

1977ko urtarrilean sortu bazen ere, 1983ko otsailaren 27ra arte ez zuten legeztatu. Euskal Herriko LGBT lehen elkartea izan zen,^[2] eta gaur egun lanean dirau.

Antonio Kintana eta Imanol Alvarez izan ziren sortzaile nagusiak.

Helburuak

Homosexualitatearen askapena du helburu, eta sexu askapenaren prozesu orokorrean kokatzen da.^[3]

Helburu nagusiak ondorengoak dira:^[4]

Desio homosexualaren askapena, sexu askapen osoaren barnean.
Desio homosexuala gizakiaren sexualitate orokorraren eta desioaren osagarritzat jotzea.
“Homosexual” eta “heterosexual” maila ideologikoak gainditzea, zeren haiek mantentzea homosexualitatearen zapalketari loturik baitoa; eta egun nagusi den araua ezabatzea, arau horrek “rol” bipolar eta osagarriak (ar/eme, maskulino/femenino, aktibo/pasibo, menderatzaile/menderatu) ezartzen baititu giza harremanen arloan.
Ghetto homosexuala ez da norbanakoaren errealizaziorako gune egokiena, ez eremu afektiboan, ezta sexualean edo erlazioetakoan ere, esparru murriztu eta komertziala baizik. Izan ere, desio homosexualaren bizipena esparru horretara mugatzen saiatu da urteetan politika ofiziala, eta neurri handian horretan dirau oraindik ere.

Aldizkaria

1977an Gay Hotsa izeneko aldizkaria argitaratzen hasi zen^[5].

Kide historikoak

Antonio Kintana
Imanol Alvarez
Mikel Martin Conde
Xanti Vicente Altxu

Erreferentziak

↑ «Nortzuk gara – Euskal Herriko Gay-Les Askapen Mugimendua» ehgam.eus (kontsulta data: 2023-01-31).
↑ (Gaztelaniaz) País, Ediciones El. (1983-02-28). «El Movimiento de Liberación Homosexual del País Vasco, legalizado por Interior» El País ISSN 1134-6582. (kontsulta data: 2018-06-05).
↑ «Nortzuk gara – Euskal Herriko Gay-Les Askapen Mugimendua» ehgam.eus (kontsulta data: 2018-06-05).
↑ «Helburu orokorrak – Euskal Herriko Gay-Les Askapen Mugimendua» ehgam.eus (kontsulta data: 2023-01-31).
↑ López Romo, Raúl.. (2008). Del gueto a la calle : el movimiento gay y lesbiano en el País Vasco y Navarra, 1975-1983. Tercera Prensa ISBN 978-84-96993-01-3. PMC 433516262. (kontsulta data: 2023-01-28).

Kanpo estekak

Datuak: Q61070261

[1] «Nortzuk gara – Euskal Herriko Gay-Les Askapen Mugimendua» ehgam.eus (kontsulta data: 2023-01-31).

[2] (Gaztelaniaz) País, Ediciones El. (1983-02-28). «El Movimiento de Liberación Homosexual del País Vasco, legalizado por Interior» El País ISSN 1134-6582. (kontsulta data: 2018-06-05).

[3] «Nortzuk gara – Euskal Herriko Gay-Les Askapen Mugimendua» ehgam.eus (kontsulta data: 2018-06-05).

[4] «Helburu orokorrak – Euskal Herriko Gay-Les Askapen Mugimendua» ehgam.eus (kontsulta data: 2023-01-31).

[5] López Romo, Raúl.. (2008). Del gueto a la calle : el movimiento gay y lesbiano en el País Vasco y Navarra, 1975-1983. Tercera Prensa ISBN 978-84-96993-01-3. PMC 433516262. (kontsulta data: 2023-01-28).

[1]

[2]

[3]

[4]

[5]