Exocentrus punctipennis

Exocentrus punctipennis
	Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Hexapoda
Ordena	Coleoptera
Familia	Cerambycidae
Leinua	Acanthocinini
Generoa	Exocentrus
Espeziea	Exocentrus punctipennis; [[Étienne Mulsant, Francisque Guillebeau\|]], 1856

Exocentrus punctipennis Cerambycidae familiako kakalardoa da. Europa hegoaldean eta Kaukaso inguruan bizi da. Euskal Herrian ere aurkitzen da.^[1]

Taxonomia

Mulsant eta Guillebeu frantziar entomologoek deskribatu zuten Zientziarako 1856. urtean.^[2]

Deskribapena

Kakalardo txikia da oso, 3,5 eta 6 mm artena baino ez baitu neurtzen. Kolorez marroia da eta oso iletsua. Antena sendoak eta luzeak ditu, gorputza bera baino luzeagoak.^[3]

Habitata

Zumar zuhaitzari loturik aurkitzen da. Espezie xerotermikoa da, hau da, lehor eta bero zalea, eta horregatik ez zen ohikoa Europa erdialdean, baina zumarrei erasaten dien grafiosi gaixotasunaren bidez Exocentrus punctipennis azkar hedatzen ari da, izan ere ahuldutako zumarrak erasotzen baititu.^[3]

Ilunabarrean eta gauez da bereziki arktiboa.^[3]

Bizi zikloa

Helduak maiatza eta abuztua artean ikusten dira. Emeak zuhaitz adar finenetan jartzen ditu arrautzak. Beldarrak azalaren azpian garatzen hasten dira eta pixkanaka izerdi landurantz mugitzen dira. Neguan hibernatu ondoren udaberrian pupa ganbera eratzen dute. Handik helduen belaunaldi berria aterako da.^[3]