Ezelsdorf-Bucheko urrezko konoa
Ezelsdorf-Bucheko urrezko konoa | |
---|---|
Jatorria | |
Sortzailea(k) | ezezaguna |
Sorrera-urtea | K.a. 950 |
Izenburua | Goldhut |
Aurkikuntza lekua | Postbauer-Heng |
Aurkikuntza data | 1953 |
Ezaugarriak | |
Materiala(k) | urrea eta brontzea |
Dimentsioak | 19,75 () cm × 88 () cm gold sheet: 0,78 () mm |
Pisua | 330 gramo |
Deskribapena | |
Honen parte da | Brontze Aroko urrezko kapeluak |
Kokapena | |
Lekua | Germanisches Nationalmuseum (en) |
Bilduma | Germanisches Nationalmuseum (en) |
Inbentarioa | Vb8007 |
Koordenatuak | 49°19′31″N 11°21′53″E / 49.3254°N 11.3646°E |
Ezelsdorf-Buchko urrezko konoa (alemanez: Goldblechkegel von Ezelsdorf-Buch) edo Ezelsdorfeko kapelua Brontze Aro Berantiarreko urrezko artefaktu bat da, 1953an Alemaniako hegoaldeko Ezelsdorf (Frankonia Ertaina) eta Buch (Goi Palatinatua) herrien artean aurkitua. Xafla meheko urrez egindako objektu garai bat (88 cm) da, kono formakoa, Brontze Aroko Urrezko Kapelu gisa definituriko tramankulu multzokoa, zeinaren lau ale ezagutzen diren; baina urregintza estiloari dagokionez, estilo zabalago baten parte da, zeinean ale antzeko bat Gipuzkoan aurkitutako Axtrokiko ontziak diren[1].
Konoa Germanisches Nationalmuseum (Nurenberg) museoan dago ikusgai.
Aurkikuntza[aldatu | aldatu iturburu kodea]
Ezelsdorf-Buchekoa konoa ustekabean aurkitu zuten, 1953an zuhaitz batzuk bota zituztenean. Hala ere, ez zen berehalako aurkikuntza arkeologikotzat hartu, eta haren goiko aldea hondeaketa-erremintek urratu eta hautsi zuten, seguruenik objektu osoaren egitura ahulduz edo suntsituz. Urratutako pusketatan jaso zuten 1953an beraz. Litekeena da, halaber, objektua aldez aurretik hondatu izana edo lurperatzean erabat edo partzialki kolapsatu izana. Hasiera batean, bertikalean lurperatu zuten, mailarik altuena lurretik nahiko gertu zuela, Berlingo eta Schifferstadt-eko homologoak bezala. 1980ko hamarkadan bakarrik ulertu zen aurkikuntza "urrezko kapeluen" taldekoa zela eta orduan berregin zuten errestauratzaileek bere forma koniko luzea.
Iruditegia[aldatu | aldatu iturburu kodea]
Konparaketa beste kono eta kapeluekin:
-
Ezelsdorf Bucheko urrezko kapelu edo konoa.
-
Avantongo konoa, Frantzia.
Beste kapeluen kasuan bezala, bere apaindurako elementu batzuk, bereziki biribilak eta haien inguruko eraztunak, egutegi kontaketa baten adibidetzat hartu izan dira. Baina antzeko biribil-eraztunak dituzte Axtrokiko ontziek, eta hauetan ez da halako irakurketarik proposatu.
Erreferentziak[aldatu | aldatu iturburu kodea]
- ↑ Eogan, George. (1981). «The Gold Vessels of the Bronze Age in Ireland and Beyond» Proceedings of the Royal Irish Academy. Section C: Archaeology, Celtic Studies, History, Linguistics, Literature 81C: 345–382. ISSN 0035-8991. (Noiz kontsultatua: 2022-11-30).
Kanpo estekak[aldatu | aldatu iturburu kodea]
- Artikulu hau, osorik edo zatiren batean, Ingelesezko Wikipediako «Golden Cone of Ezelsdorf-Buch» artikulutik itzuli da; zehazki, 2022-03-28ko bertsio honetatik. Izan ere, artikulu horretan aritu diren wikilariek GFDL edo CC-BY-SA 3.0 lizentziekin argitaratu dute beren lana.