Farad

Farad
Neurtzen du	kapazitantzia
SI sistemarako konbertsioa	1 F
Honen izena darama	Michael Faraday
Ikurra	F, Ф, F, F eta F

Farada (sinboloa: F) Nazioarteko Unitate Sistemako unitate eratorri bat da, kapazitantzia neurtzen duena; hau da, objektu batek karga elektrikoa gordetzeko duen ahalmena. Michael Faraday ingeles fisikariaren omenez izendatua da.

Kapazitantziaren alderantzizko magnitudea elastantzia da. Nazioarteko sisteman alderantzizko farad (F^-1) unitatetan adierazten da. Antzina, zenbaitek Arthur Edwin Kennelly estatubatuar ingeniariak 1920ko hamarkadan sortu zuen daraf unitate ez-estandarra erabili zuten.

Definizioa

Farad bat kondentsadore baten kapazitantzia da, kondentsadorea Volt bateko potentzial elektrikoan Coulomb batez kargatzen denean.

$F={\frac {C}{V}}$

$F\,$ : Farad

$C\,$ : Coulomb

$V\,$ : Volt

Aplikazio gehienetarako, farada oso kapazitantzia-unitate handia da. Hori dela eta, ohikoa da Nazioarteko Unitate Sistemak azpimultiploak sortzeko aurrizkiekin aurkitzea. Esate baterako:

• 1 mF (milifarad, farad baten milarena (10⁻³)) = 0.001 F = 1000 μF = 1000000000 pF
• 1 μF (mikrofarad, farad baten milioirena (10⁻⁶)) = 0.000 001 F = 1000 nF = 1000000 pF
• 1 nF (nanofarad, farad baten miliarrena (10

−9)) = 0.000 000 001 F = 0.001 μF = 1000 pF

• 1 pF (pikofarad, farad baten bilioirena (10⁻¹²)) = 0.000 000 000 001 F = 0.001 nF

Berdintzak

Farada Nazioarteko Unitate Sistemako funtsezko zazpi unitateetatik lau oinarri dituen unitate eratorria da: kilogramoa (kg), metroa (m), segundoa (s), eta amperea (A).

Nazioarteko Unitate Sistemako unitateen konbinazio bidez adierazita, farada honako hau da: $${\text{F}}={\dfrac {{\text{s}}^{4}{\cdot }{\text{A}}^{2}}{{\text{m}}^{2}{\cdot }{\text{kg}}}}={\dfrac {{\text{s}}^{2}{\cdot }{\text{C}}^{2}}{{\text{m}}^{2}{\cdot }{\text{kg}}}}={\dfrac {\text{C}}{\text{V}}}={\dfrac {{\text{A}}{\cdot }{\text{s}}}{\text{V}}}={\dfrac {{\text{W}}{\cdot }{\text{s}}}{{\text{V}}^{2}}}={\dfrac {\text{J}}{{\text{V}}^{2}}}={\dfrac {{\text{N}}{\cdot }{\text{m}}}{{\text{V}}^{2}}}={\dfrac {{\text{C}}^{2}}{\text{J}}}={\dfrac {{\text{C}}^{2}}{{\text{N}}{\cdot }{\text{m}}}}={\dfrac {\text{s}}{\Omega }}={\dfrac {1}{\Omega {\cdot }{\text{Hz}}}}={\dfrac {\text{S}}{\text{Hz}}}={\dfrac {{\text{s}}^{2}}{\text{H}}},$$

non F = farad, s = segundo, C = coulomb, V = volt, W = watt, J = joule, N = newton, Ω = ohm, Hz = hertz, S = siemens, H = henry, A = ampere.

Historia

"Farad" terminoa Josiah Latimer Clark eta Charles Tilston Bright ingeniari elektrikoek proposatu zuten 1861ean, Michael Faradayren omenez, karga-kantitatearen unitate gisa, eta 1873rako, farada kapazitantzia-unitate gisa erabiltzen zen. 1881ean Parisen egin zen Elektrikarien Nazioarteko Kongresuan farad izena hartu zen kapazitantzia elektrikoaren unitate gisa.

Ikus, gainera

• Michael Faraday

Kanpo estekak

• Datuak: Q131255
• Multimedia: Farad / Q131255