Felix Likiniano

Wikipedia(e)tik
Hona jo: nabigazioa, Bilatu
Felix Likiniano
Felix Likiniano.jpg
Bizitza
Jaiotza Eskoriatza1909ko urtarrilaren 14a
Herrialdea  Gipuzkoa, Euskal Herria
Heriotza Biarritz1982ko abenduaren 22a (73 urte)
Familia
Ezkontidea(k) Kasilda Hernáez
Hezkuntza
Hizkuntzak gaztelania
Lanbidea
Lanbidea sindikalista
Kidetza Lanaren Konfederazio Nazionala

Felix Likiniano Heriz (Eskoriatza, Gipuzkoa, 1909ko urtarrilaren 14a - Biarritz, Lapurdi, 1982ko abenduaren 22a) Espainiako Gerrate Zibilean borrokatu zuen buruzagi anarkista izan zen.

Biografia[aldatu | aldatu iturburu kodea]

Eskoriatzan jaio eta bere burua arrasateartzat zeukan. Parte hartze nabarmena izan zuen Donostia hasiera batean falangisten eskuetan ez erortzeko defentsan. 1936ko uztailaren 18an Francoren altxamendua gertatzean, Donostian politikari gehienek batzordeak antolatzen zituzten bitartean, anarkistek, Likinianok gidatuta, Urbierta kalean altxatuei aurre egin zieten uztailaren 19an. Amarako eskolak dauden inguru horretan barrikadak jarrita, anarkista haiek eutsi ahal izan zioten armada antolatu baten erasoari. Azkenean, Eibartik trenez etorritako langile gehiagoren laguntzaz Loiolara bota zituzten atzera soldaduak. Loiolaren kontrako erasoan parte hartuz, garaitu egin zituzten altxatuak.

Ondoren, muga defendatzea izan zen helburua: Ia bakarrik, sozialista, komunista eta EAE-ANVko batzuen laguntzaz eutsi zioten denbora batez Soltxaga jeneralaren armadari Aiako Harriaren inguruan. Borroka horietan bere bizitza osoan neskalaguna izan zen Kasilda Hernáezek parte hartu zuen ere bai. Azkenik, irailaren 13an, Alfonso Beorlegi koronelak gidatutako Mola generalaren nafar gudaroste altxatua Donostian sartu zen.

Likiniano, gerora, Katalunian eta Aragoin izan zen gerran. Frantzian ere erresistentzian parte hartu zuen nazien aurka. Azkenik, Miarritzera itzuli zen eta bertan ezagutu zituen hego euskal herritar iheslari gazte batzuk. Nahiz eta bera anarkista izan, berehala haien adiskide min egin zen. Likinianok asmatu omen zuen Euskadi Ta Askatasuna sorberriaren anagrama: sugea eta aizkora.

Bibliografia[aldatu | aldatu iturburu kodea]

Bere omenez[aldatu | aldatu iturburu kodea]

Bilboko Erronda kalean zabaldu zen kultura gune libertarioari -egun Gatazka deitzen dena- Likiniano izena jarri zioten.

Ikus, gainera[aldatu | aldatu iturburu kodea]