Fernanda Maria
| Fernanda Maria | |
|---|---|
| Bizitza | |
| Jaiotza | Lisboa, 1937ko otsailaren 6a |
| Herrialdea |  Portugal |
| Lehen hizkuntza | portugesa |
| Heriotza | Lisboa, 2025eko urtarrilaren 13a (87 urte) |
| Hezkuntza | |
| Hizkuntzak | portugesa |
| Jarduerak | |
| Jarduerak | fado abeslaria |
| Jasotako sariak | ikusi
|
   | |
Fernanda Maria Carvalheda Silva (Lisboa, 1937ko otsailaren 6a – ibidem, 2025eko urtarrilaren 13a)[1], Fernanda Maria izen artistikoz ezagunagoa, portugaldar abeslaria izan zen, XX. mendeko fado abeslari handienetako bat eta genero horretako errepertorio tradizionalaren hedatzailea.
Ibilbidea
[aldatu | aldatu iturburu kodea]Lisboako Bairro Alto auzoko fado etxe tradizionaletan hasi zen abesten, eta 1952an fado abeslari gisa egiazki hasten lagundu zion entzunaldi bat egin zuen. 1964an Lisboa à noite fado etxea ireki zuen. Besteak beste, honako abesti hauek interpretatu zituen: Não passes com ela na minha rua (Carlos Conde/Casimiro Ramos), Fado de horas (Belo Marques), Aquela velhinha (Linhares Barbosa/Fado Cigano), Rosa da Madragoa (Frederico de Brito/Fado Seixal), Fado das mágoas (Frederico de Brito) eta Lá vai ele (Linhares Barbosa/Jaime Santos). Hainbat motiboren egilea ere izan zen, hala nola A razão do meu viver, Sentir a vida, Olhos felizes, Este poema, Xaile negro eta No Altar da minha saudade[2].
Enciclopédia da Música Portuguesa no Século XX liburuaren arabera, Fernanda Mariaren estiloak adierazpen tekniken erabileran izandako eraginkortasuna izan zuen ezaugarri, hala nola rubato, melismak eta estilo aldaketak[3].
Laurogei disko grabatu zituen, horietako batzuk Alfredo Marceneiro abeslariarekin. Bere disko ezagunenak Sempre (1991, Discossete), Os Maiores Sucessos de Fernanda Maria (1993, Movieplay) eta O Melhor de Fernanda Maria (1994, Emi-VC) dira. 1963an Prémio da Imprensa saria erabazi zuen fadoaren kategorian, eta 2006an Prémio Amália Rodrigues Carreira Feminina[2]. 2007an ibilbidearen saria eman zioten[4], eta 2012an Lisboako Udalaren Merezimenduaren Domina[5].
Erreferentziak
[aldatu | aldatu iturburu kodea]- ↑ (Portugesez) «Fadista Fernanda Maria morre aos 87 anos» Público 2025-01-13 (kontsulta data: 2025-01-14).
- ↑ a b (Portugesez) «Fernanda Maria» Museu do Fado (kontsulta data: 2025-01-14).
- ↑ (Portugesez) Enciclopédia da Música em Portugal no Século XX. (argitaratze data: 2010) (kontsulta data: 2025-01-14).
- ↑ (Portugesez) «Morreu a fadista Fernanda Maria» Expresso 2025-01-13 (kontsulta data: 2025-01-14).
- ↑ (Portugesez) «Lisboa lamenta a morte de Fernanda Maria» Câmara Municipal de Lisboa 2025-01-13 (kontsulta data: 2025-01-14).
Kanpo estekak
[aldatu | aldatu iturburu kodea]
Datuak: Q18709563