Flor Alba Núñez
| Flor Alba Núñez | |
|---|---|
| Bizitza | |
| Jaiotza | Isnos, 1990 |
| Herrialdea |  Kolonbia |
| Heriotza | Pitalito, 2015eko irailaren 10a (24/25 urte) |
| Jarduerak | |
| Jarduerak | kazetaria |
Flor Alba Nuñez Vargas (Isnos, Huila; 1984-ko ekainaren 30a - Pitalito, Huila; 2015eko irailaren 10a) La Preferida Estéreo irrati estazioko eta zenbait telebista estazioko kolonbiar kazetaria izan zen.[1]
Ibilbidea
[aldatu | aldatu iturburu kodea]Nuñez herriko irratiko gidari gisa ezaguna zen, Pitaliton La Preferida Estéreo estazioan "Red Noticias" eguneroko albisteen programa egiteagatik.[2]
Bertako Pitalito 6 katean, Neiva egunkariko Nación TVn eta La Nación katean ere jardun zuen. Heriotza mehatxuak jaso zituen bere ibilbidean zehar, eta nabarmenenetako bat 2015ean izan zen, animalien abusu gertakari baten berri eman ostean. Hil aurretik, hainbat txosten polemiko argitaratu zituen bere sare sozialetako kontuetan, tartean apezpiku katoliko batek ustelkeriari buruz esandakoak eta herriko talde baten irudiak.
Hilketa
[aldatu | aldatu iturburu kodea]Flor Alba Nuñez Vargas 2015eko irailaren 10eko eguerdi inguruan erail zuten. Garondoan egin zioten tiro, Kolonbiako Pitaliton lan egiten zuen irrati estazioko atea irekitzen ari zela. Hilketa zaintza-kamera batek atzeman zuen. Gobernuak saria eskaini zuen hilketari buruzko informazioagatik.[3][4][3][4]
Hiltzailea Juan Camilo Ortiz, identifikatu egin zuten, eta 2015eko irailaren 26an atxilotu zuten Los Palmitos herrian, Sucre. Ortiz kriminal ezaguna zen ordurako, eta hainbat arazo izan zituen Nuñezen hilketa baino lehen. Aurretik, hilketa saiakera leporatu zioten, eta, bi urte baino gehiagoko espetxealdia bete zuen su-armak legez kanpo edukitzeagatik. 2017ko abuztuaren 11n erruduntzat jo zuten eta 47 urte eta 6 hilabeteko zigorra eman zioten. Jaumeth Albeiro Flórez (alias Chory) motozikletako gidaria zela identifikatu zuten.[4][1][5][6]
Erreakzioak
[aldatu | aldatu iturburu kodea]Nuñez ezaguna zen atxiloketen eta narkotrafikatzaileen inguruko erreportajeengatik. Bere estalduraren aldetik mehatxuak jaso zituen, nahiz eta inoiz ez zuen ofizialki mehatxurik salatu. Prentsa Askatasunerako Fundazioaren arabera, hiru espekulazio nagusi daude Nuñezen hilketaren arrazoiaren inguruan. Lehen espekulazioak banda bati egindako lapurreta baten estaldurarekin zuen zerikusia. Nuñezek heriotza mehatxuak jaso zituen estaldura honengatik. Hilketaren bigarren arrazoi posiblea tokiko hauteskundeetan gertatutakoa izan zitekeen, mehatxuak ere eragin baitzituen. Hirugarren arrazoia argazkiekin eta txakur bat eraso ondoren urkatu zuten gizonen elkarrizketarekin lotura zuen.[7]
Irina Bokova UNESCOren zuzendari nagusiak esan zuen:
“Flor Alba Nuñez Vargasen hilketa gaitzesten dut. Prentsa libre bat eta gizarte libre bat eskutik doaz, bataren aurkako erasoek bestea ahultzen dute, horregatik eskatzen diet agintariei ahal duten guztia egin dezatela krimen hau ikertu eta erantzuleak justiziaren aurrera eramateko”.[8]
Aurretik kazetari babesgabeen hilketa asko izan dira, ustelkeriari, indarkeriari eta drogei buruzko informazioa eman zutenak. Kolonbian, 2015ean, Nuñez Vargasen hilketaren ondoren, prentsa askatasunaren aurkako 84 bortxaketa aurkeztu ziren, 126 biktimekin. Zenbaki altu horien ondorioz, funtzionarioek kazetarien segurtasuna eskatu zuten, lehen ez bezala. Flor Alba Nuñez Vargasen heriotza tragikoa izan zen, baina Kolonbian kazetariak babesteko beste urrats bat bezala balio izan zuen.[9]
Erreferentziak
[aldatu | aldatu iturburu kodea]- 1 2 «Man found guilty of murdering Colombian journalist Flor Alba Núñez in 2015» Knight Center for Journalism in the Americas.
- ↑ «Flor Alba Núñez Vargas» Cpj.org.
- 1 2 «Young journalist killed when entering radio station in Colombia» Knight Center for Journalism in the Americas.
- 1 2 3 «Testigo identifica a autor de crimen de periodista» El Tiempo 12 de abril de 2017.
- ↑ «Man sentenced to almost 50 years in prison for 2015 murder of Colombian journalist» Knight Center for Journalism in the Americas.
- ↑ «Colombia sentences gunman for 2015 murder of local radio journalist» Cpj.org.
- ↑ «Despite advances, violence against journalists in Colombia persists» International Journalists' Network.
- ↑ «Director-General condemns killing of Colombian journalist Flor Alba Núñez Vargas» UNESCO.
- ↑ «El asesinato de Flor Alba Núñez» El Espectador 13 de septiembre de 2015.
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q59423238