Florence Nightingale

Florence Nightingale
	; Irudi gehiago
	Ahotsa
Bizitza
Jaiotza	Florentzia, 1820ko maiatzaren 12a
Herrialdea	Britainia Handia eta Irlandako Erresuma Batua
Bizilekua	Britainia Handia eta Irlandako Erresuma Batua
Heriotza	Londres, 1910eko abuztuaren 13a (90 urte)
Familia
Aita	William Nightingale
Ama	Frances Smith
Ezkontidea(k)	ezkongabea
Anai-arrebak	ikusi Frances Parthenope Verney (en) ;
Hezkuntza
Hizkuntzak	ingelesa
Jarduerak
Jarduerak	erizaina, estatistikaria, idazlea, politikaria eta irakaslea
Jasotako sariak	ikusi Merituaren Ordena (Erresuma Batua) (1907ko azaroa) ; Fellow of the Royal Statistical Society (1858ko urria) ; Decoration of the Royal Red Cross (1883) ;
Kidetza	Royal Statistical Society (en)
Izengoitia(k)	The Lady with the Lamp
Sinesmenak eta ideologia
Erlijioa	anglikanismoa

Florence Nightingale (Florentzia, Italia, 1820ko maiatzaren 12a - Londres, 1910eko abuztuaren 13a), britaniarra, erizaintzaren aitzindaritzat jotzen da. Estatistikan ere ekarpenak egin zituen: ezaguna da lehen azalera polarreko diagramatzat jotzen den coxcomb izeneko diagrama eratzeagatik.

Erizaintzaren lehenengo eredu kontzeptualaren sortzailea izan zen. Oso gaztetatik, matematikan nabarmendu zen, gero bertan jasotako ezagutzak osasunaren estatistikan eta epidemiologian aplikatzeko. Royal Statistical Society izeneko elkartean onartutako lehenengo emakumea izan zen, baita American Statistical Association erakundeko ohorezko kidea ere.

Nightingale bere garaiko aurreiritzien kontra altxatu zen, emakumearen eskubideak defendatu zuen, eta emakumeak garai hartan zuen rola gaitzetsi zuen erizain bihurtuz, momentura arte izen oso ona ez zuen eta pobreentzako zen lanbidea. 1853an superintendente bihurtu zen.

Erizain moduan ere egin zuen lana, Krimeako Gerran. 1854ko urriaren 21ean, 38 erizainez osaturiko talde batekin abiatu zen Krimeara. Scutarin, bere lankideak eta bera, bertako ospitalea erreformatu eta garbitu zuten eta horri esker heriotza tasa %40tik %2ra jaitsi zuten. Bertan Florence Nighngale bruzelosiaren aurka lan egin zuen.