Floridan Donald Trump hiltzeko saiakera

Floridan Donald Trump hiltzeko saiakera
Mota	tiroketa assassination attempt (en)
Honen parte da	Donald Trump 2024 presidential campaign (en)
Data	2024ko irailaren 15a
Kokaleku	Trump International Golf Club (en)
Estatu burujabe	Ameriketako Estatu Batuak
Koordenatuak	26°39′58″N 80°05′54″W
Parte-hartzaile	Ameriketako Estatu Batuetako Isilpeko Zerbitzua Ryan Wesley Routh Donald Trump
Helburu	Donald Trump
Pertsona hilak	0
Pertsona zaurituak	0
Nork ikertua	Federal Bureau of Investigation, Ameriketako Estatu Batuetako Isilpeko Zerbitzua eta Palm Beach County Sheriff's Office (en)
Arma	SKS (en)
Atxilotu kopurua	1
Multimedia
Hashtag (en)	#trumpassassinationattempt2

Ryan Wesley Routh.

2024ko irailaren 15ean Donald Trump hiltzeko saiakera bat izan zen, AEBko Florida estatuko West Palm Beach hirian. Politikari hori hiltzeko bigarren saiakera izan zen, urte berean. Trump golfean jokatzen ari zen bitartean gertatu zen. Antza, erasoa prestatzen ari zena, Ryan Wesley Routh, 58 urteko gizona, atxilotu zuen Ameriketako Estatu Batuetako Zerbitzu Sekretuak. Atxilotuak ez zuen tiro egin, eta ihes egiten ari zenean atzeman zuten. FBI erakundeak hilketa-saiakeratzat ikertu zuen gertakaria.

Gertaerak

Zerbitzu sekretuek AK-47 errifle batekin armatuta zebilen gizonezko bat atxilotu zuten, West Palm Beach hiriko (AEB) golf zelai inguruan, Trump golf zelaian zegoela. «Tiroak egon dira nigandik gertu, baina zurrumurruak zabaltzen hasi aurretik, zera nahi dut aditzea: ondo nago!», adierazi zuen AEBetako presidentetzarako hautagaiak, ohar bidez. FBIk egindako aurreneko ikerketek diotenez, atxilotuak ez zuen tirorik jo; zerbitzu sekretuek, ordea, bai. Ric Bradshaw, West Palm Beacheko sheriffak, eman zituen operazioaren xehetasunak, eta, azaldu zuenez, gizon errifleduna golf zelaiko hesitik gertu atzeman zuten, presidente ohia zegoen lekutik 300-500 metrora, sasietan ezkutaturik. Zerbitzu sekretuek tiro egin zioten armadunari, eta hura ihes egiten saiatu zen furgoneta beltz batean; minutu batzuk geroago errepidean atxilotu zuten. Sasien artean AK-47 erriflea, bi motxila eta kamera bat aurkitu zituzten.

Erasotzailea

Ryan Wesley Routh izan zen poliziak atxilotu zuen susmagarria. Hawaiiko 58 urteko egoiliar bat, bere bizitzaren zatirik handiena Greensboron (Ipar Karolina) bizi izan dena. Ryan eta bere semea Hawaiiko eraikuntza enpresa baten jabeak dira. Trump aldeko bozeramalea izan bazen ere, azken urtetan Ukrainiaren aldeko aktibista erradikala bihurtu zen. Routhek hainbat kargu kriminal zituen aurretik, 2002an "arma hilgarri eta suntsipen handiko bat edukitzeagatik" ezarritako kondena barne, eraikin batean arma automatiko batekin gotortu ondoren. Routhen aurkako beste kargu batzuek lapurtutako gaien igarotze eta edukitze arau-hausteak jasotzen zituzten.

Kanpo estekak

• Albistearen bideoa EITBn.

• Datuak: Q130303942
• Multimedia: Attempted assassination of Donald Trump in Florida / Q130303942