Francis Collins

Wikipedia, Entziklopedia askea
Hona jauzi: nabigazioa, Bilatu
Francis Collins
Francis Collins official portrait.jpg
Bizitza
Izen osoa Francis Sellers Collins
Jaiotza Staunton1950eko apirilaren 14a (67 urte)
Herrialdea  Ameriketako Estatu Batuak
Hezkuntza
Heziketa Virginiako Unibertsitatea
Yale Unibertsitatea
Ipar Carolinako Chapel Hilleko Unibertsitatea
Lanbidea
Lanbidea genetista, medikua, autorea eta zientzialaria
Enplegatzailea(k) Michigango Unibertsitatea
Jasotako sariak
Kidetza Zientzien Pontifize-Akademia
Ameriketako Estatu Batuetako Zientzien Akademia Nazionala
Arteen eta Zientzien Ameriketako Estatu Batuetako Akademia
National Academy of Medicine
American Association for the Advancement of Science
http://www.nih.gov/about/director/index.htm

Francis Collins (Staunton, Virginia, 1950eko apirilaren 14a) estatubatuar sendagile eta genetista da.

Virginiako Unibertsitatean egin zituen kimikako ikasketak, eta Yaleko Unibertsitatean eskuratu zuen fisika kimikoko doktoregoa, 1974. urtean. Urte hartan bertan medikuntza-ikasketak hasi zituen Ipar Carolinako Unibertsitatean. 1984. urtetik 1993ra hainbat ikerketaren zuzendari eta irakasle gisa jardun zuen Michigango Unibertsitatean. 1994. urtean Giza Genomaren Ikerketarako Nazio Institutuko zuzendaritza hartu zuen; kargu horretan dagoenetik, Estatu Batuek Giza Genomaren Proiektuan betetzen duten lanaren ikuskatzailea da. Garrantzi handiko lanak egin ditu gizakiei eritasunak eragiten dizkieten geneak identifikatzeko eta kokatzeko egiten ari diren ikerketetan. 1989. urtean, adibidez, fibrosi kistikoa eragiten duen genea identifikatu eta gene hori kromosoman non dagoen kokatuta aurkitu zuen Collinsek bere lankideekin; lan talde hark neurofibromatosia eta Huntingtonen gaixotasuna zein genek eragiten duen ere aurkitu zuen, geroago. 2000. urteko ekainean Collinsek iragarri zuen Giza Genomaren Proiektuak, enpresa pribatu baten laguntzarekin, giza genomaren baseen sekuentzia zehaztu duela, eta horrenbestez, giza genomaren mapa osatzeko lehen urratsa egina dela. 2001. urtean, Principe de Asturias saria irabazi zuen, eta 2009. urtean, Academia Pontificia de las Cienciaseko kide izendatu zuten, eta Askatasun domina jaso zuen.

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Francis Collins Aldatu lotura Wikidatan