Frans Snyders

Wikipedia, Entziklopedia askea
Frans Snyders
Frans Snyders - Van Dyck c. 1620.jpg
ganberako margolari

Bizitza
JaiotzaAnberes1579ko azaroaren 11 (egutegi gregorianoa)
HerrialdeaEspainiar Herbehereak
Talde etnikoaFlandriarra
HeriotzaAnberes1657ko abuztuaren 19a (77 urte)
Familia
Ezkontidea(k)Margareta Snyders (en) Itzuli  (1611 -
Hezkuntza
Hizkuntzaknederlandera
Ikaslea(k)Adriaen van Utrecht (en) Itzuli
Jan Roos (en) Itzuli
Jarduerak
Jarduerakmargolaria eta draftsperson (en) Itzuli
Lantokia(k)Anberes
Erroma
Milan
Anberes eta Breda
Lan nabarmenakStill Life with Huntsman (en) Itzuli
Still Life with a Dead Stag (en) Itzuli
Still life with small game and fruits (en) Itzuli
KidetzaAnberesko San Lukas artista elkartea
MugimenduaFlemish Baroque painting (en) Itzuli
Genero artistikoaizadi hila
allegory (en) Itzuli
animal painting (en) Itzuli
margolaritza erlijiosoa

Frans Snyders (Anberes, Flandria, 1579ko azaroaren 11 - ib., 1657ko abuztuaren 19a) flandriar margolaria izan zen.

Biografia[aldatu | aldatu iturburu kodea]

Brueghel Gaztearen ikasle izan zen, eta 1602an maisu-titulua lortu zuen. Margolari barrokoa zen. Izadi hilak, fruituak, loreak eta animalien irudiak egin zituen hasieran, baina geroago indar handiko ehiza- eta borroka-irudiak, adierazkortasun bizikoak, ondu zituen, Pieter Aertsen eta Joachim Beuckelaerren margolanetan oinarriturik, baina estilo originala erabiliz betiere.

Snydersen lan nagusiak: "Izadi hila", "Oilarren borroka" (1625), "Basurdearen ehiza", "Fruta saltzailea" (1636) eta "Orein-ehiza", bere maisulan handienetakoa. Azken hori Filipe IV.ari erakutsi zioten, eta horri esker eman zion erregeak ehizari buruzko zenbait margolan egiteko mandatua.

1603-1609 bitartean Italian bizi izan zen, Erroman, Napolin eta Milanen. Sorterrira itzuli zenean arrakasta handia lortu zuen izadi hilen margolari gisa, eta horrela erakarri zuen Rubensen arreta. Haren adiskide egin zen, eta harekin batera aritu zen lan askotan, 1611-1616. urteen artean. Era berean, Snydersek lehoi- eta basurde-ehizari buruz margotu zituen zenbait margolanetan Rubensen ukitua antzematen da. Rubensen margolaritzatik hartu zituen ezaugarrien artean, aipagarriena margoaren eta konposizioaren zentzua da, baita apaingarrien oparotasuna ere; margoen erabilerari dagokionez, margo-nahasketa erabili ohi zuen, gorria eta zuria nabarmentzen direla betiere. Baina ez zen Rubens izan Snydersekin lan egin zuen ertilari ospetsu bakarra; izan ere, Snydersek zenbait irudi margotu zituen Antoon van Dycken eta Jacob Jordaensen margolan batzuetan.

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Frans Snyders Aldatu lotura Wikidatan