Frantziska erromatarraren basilika

Frantziska erromatarraren basilika
	Irudi gehiago
Kokapena
Herrialdea	Italia
Italiako eskualdeak	Lazio
Italiako hiri metropolitarra	Erromako hiri metropolitarra
Muga-hiri	Erroma
Koordenatuak	41°53′28″N 12°29′19″E / 41.89122807°N 12.48854203°E
Historia eta erabilera
Irekiera	IX. mendea
Izenaren jatorria	Francesca Romana
Erlijioa	katolizismoa
Elizbarrutia	Erromako elizbarrutia
Izena	Francesca Romana
Arkitektura
Arkitektoa	Carlo Lambardi (en)
Estiloa	arkitektura erromanikoa
Ondarea
Kontaktua
Helbidea	piazza Santa Francesca Romana, 4 - Roma
	Webgune ofiziala

Frantziska erromatarraren basilika Santa Maria Nuova izenez ere ezagutzen den eliza, Erroma hiriko basilika erromaniko bakarrenetarikoa da. IX. mendean sortua eta izen bereko martiriari eskainia, Erromako foroaren ondoan dago. Egungo ataria eta trabertinoko fatxada (1615) Carlo Lambardik diseinatu eta eraiki zituen.

Historia

Eliza IX. mendean eraiki zen, Paulo I.a aita santuak hala erabakita, aurretik zegoen otoiztegi baten gainean. X. mendean egindako zaharberritzearen ondoren, Ama Birjinari eskaini zitzaion eta Santa Maria Nova izena eman zitzaion foroko beste elizatik bereizteko. Beste eliza hori ere Mariari eskainia zegoen (Santa Maria Antiqua), eta IX. mendean lurrikara batek suntsitu zuen.

XII. mendean, eraikina berregituratu zuten kanpandorre bat eta absidearen apainketa gehituta. XV. mendean, Santa Frantziska erromatarraren erlikiak kriptara eraman zirenean, elizak izena aldatu zioten.

Eliza honetan dago Gregorio XI.a aita santuaren hilobia, Avignongo aita santuaren egoitza Erromara itzuli zuena.

Gaur egun, basilika fraide beneditar olivetarren administrazioaren menpe dago.