Frederika Badengoa
| Frederika Badengoa | |||
|---|---|---|---|
 | |||
1797ko urriaren 31 - 1809ko martxoaren 29a ← Sofia Magdalena Danimarkakoa - Karlota Holstein-Gottorpekoa → | |||
| Bizitza | |||
| Jaiotzako izen-deiturak | Friederike Dorothea von Baden | ||
| Jaiotza | Karlsruhe, 1781eko martxoaren 12a | ||
| Herrialdea |  Badengo Dukerri Handia 1797) Suedia (1797 - | ||
| Heriotza | Lausana, 1826ko irailaren 25a (45 urte) | ||
| Hobiratze lekua | Riddarholmen eliza Pforzheim | ||
| Familia | |||
| Aita | Prince Karl Ludwig, Hereditary Prince of Baden | ||
| Ama | Landgravine Amalie of Hesse-Darmstadt | ||
| Ezkontidea(k) | Gustavo IV.a Adolfo Suediakoa (1797ko urriaren 6a, 1797ko urriaren 31 - 1812ko apirilaren 7a) | ||
| Seme-alabak | ikusi
| ||
| Haurrideak | |||
| Leinua | House of Zähringen (en)  | ||
| Hezkuntza | |||
| Hizkuntzak | alemana | ||
| Jarduerak | |||
| Jarduerak | ezkontidea | ||
| Jasotako sariak | ikusi
| ||
  | |||
Frederika Dorotea Guillermina Badengoa (suedieraz, Fredrika Dorotea Vilhelmina av Baden; Karlsruhe, 1781eko martxoaren 12a – Lausana, Suitza,1826ko irailaren 25a) printzesa eta erregina izan zen, Gustavo IV.a Adolfo Suediako erregearekin ezkontzean.[1][2][3][4]
Bizitza
[aldatu | aldatu iturburu kodea]Frederika Karlsruhe jauregian jaio zen, izen bereko herrian, Badengo dukerrian. Gurasoak Karlos Luis Badengo printze oinordekoa eta Amalia Hesse-Darmstadteko printzesa izan ziren. Luisa Badengo eta gero Errusiako enperatriza izan zenaren ahizpa zen.[5]
Ezkontza
[aldatu | aldatu iturburu kodea]1797. urtean Leipzigen Gustavo IV.a Adolfo Suediako erregearekin konprometitu ostean, 1797ko urriaren 31n Stockholmen ezkondu zen, erregina bihurtuz. Itxuraz, ezkontza zoriontsua izan zen eta erregeak, bere aitak ez bezala, ezkontza bizitzan interes handia zuela ematen zuen. Elkarrekin bidaia luzea egin zuten atzerrira 1803 eta 1805 artean.
Ondorengoak
[aldatu | aldatu iturburu kodea]Bikoteak bost seme-alaba izan zituen:
- Gustavo (1799-1877), Suediako printze oinordekoa.
- Sofia Guillermina Suediakoa (1801-1865), Leopoldo I.a Badengo duke handiaren emaztea.
- Carlos Gustavo (1802-1805), Finlandiako duke handia.
- Amalia Maria Carlota Suediakoa (1805-1853).
- Cecilia Suediakoa (1807-1844), Augusto Oldemburgoko duke handiaren emaztea.
Ezkon-arrakasta ez bezala, erregeen agintaldia nahiko txarra izan zen. 1809. urtean, Suediak Finlandia galdu zuen Finlandiako gerrako porrotaren ostean, eta erregearen ospeari kalte handia egin zion. Gustavo Adolfo bere familiarekin batera atxilotu zuten 1809ko maiatzaren 13an. Stockholmeko Errege Jauregian atxilotuta egon ostean, erregea 1809ko martxoaren 13an Suediako erregetza boterea kendu eta familia erbesteratu egin zen. Kopenhagen egonaldi laburra egin ostean, Badenera abiatu ziren, Frederikaren jaioterrira. Han ezkontideen arteko harremanak hoztu ziren eta 1812. urtean ofizialki banandu ziren.
Heriotza
[aldatu | aldatu iturburu kodea]Dibortzioaren ostean, Frederika Suitzara joan zen, eta, itxuraz, beste maitasun-harreman bat hasi zuen baroi suitzar batekin. Lausanan hil zen 1826ko irailaren 25ean, Italiara bidaia bat egitera zihoala.
Aintzatespenak
[aldatu | aldatu iturburu kodea]Laponiako Fredrika, Dorotea eta Vilhelmina herriak bere omenez izendatu zituzten.
Erreferentziak
[aldatu | aldatu iturburu kodea]- ↑ «Federico de Baden _ AcademiaLab» academia-lab.com (kontsulta data: 2025-12-19).
- ↑ (Gaztelaniaz) «Federica de Baden» Los diccionarios y las enciclopedias sobre el Académico (kontsulta data: 2025-12-19).
- ↑ Federica de Baden. .
- ↑ Rosali. (viernes, 12 de marzo de 2021). «puntadas contadas por una aguja: Federica de Baden (1781-1826)» puntadas contadas por una aguja (kontsulta data: 2025-12-19).
- ↑ (Gaztelaniaz) «Genealogía de x Federica de Baden» Geneanet (kontsulta data: 2025-12-19).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q234241
Multimedia: Frederica of Baden / Q234241