Funchalgo katedrala

Funchalgo katedrala
	, , eta Irudi gehiago
Kokapena
Estatu burujabe	Portugal
Portugalgo eskualde autonomoa	Madeira
Portugalgo udalerria	Funchal
Freguesia	Sé
Kokapen fisikoa	Madeira
Koordenatuak	32°38′53″N 16°54′30″W / 32.64817°N 16.90825°W
Historia eta erabilera
Madeira earthquake of 1748	1748ko martxoaren 31
Erlijioa	katolizismoa
Elizbarrutia	Funchalgo elizbarrutia
Arkitektura
Arkitektoa	Gil Eanes (en)
Estiloa	Manueldar estiloa; arkitektura gotikoa
Ondarea
	Webgune ofiziala

Funchalgo katedrala (portugesez: Sé do Funchal), Funchalen, Madeira uhartean, Portugalgo kolonizazioaren garaitik birtualki ukitu gabe iraun duen eraikin bakanetakoa da. Manueldar eta gotiko garaiko ezaugarri estilistiko bereizgarriak ditu. Funchaleko elizbarrutiko katedrala da eta uhartearen eliza nagusia. Funchaleko gotzaindegia, bere garaian, munduko elizbarrutirik handiena izan zen, portugesek aurkitutako lurralde guztiak hartzen baitzituen, Brasildik Japoniara. ^[1]

Portugalgo monumentu nazionalaren izendapena du.

Historia

XV. mendeko 90eko hamarkadan, Manuel I.a Portugalgoak Pêro Anes arkitektoa bidali zuen Funchalgo katedralaren diseinuan lan egiteko. Eraikina 1514an amaitua zegoen. 1508an, Funchal hiri mailara igo zutenean, ordurako tenpluan meza ematen zuten.^[2]

Dorrearen errematea eta xehetasun gehiago 1517-1518 urteen inguruan amaitu ziren.

Ezaugarriak

Funchal katedralaren barruan, Kapera Nagusiko errezela gotiko batez errematatua dagoen erretaula bereziki deigarria da. Urre-koloreko zur landuzko poliptiko handia du, eta zur gaineko olio-pinturaz eta eskulturez osatuta dago.^[3]

Katedralean, absideko euskarriak nabarmentzen dira. Bertan, santuak, profetak eta apostoluak ikus daitezke XVI. mendeko jantzietan.^[4] Eserlekuen euskarrien xehetasunetan Madeiraren bizitzaren zenbait alderdi ikus daitezke, hala nola, banana sorta bat garraiatzen duen kerubin bat eta ardoz betetako zahagi bat kargatzen duen beste bat.

Elizak Manuel I.a erregeak eskainitako prozesio-gurutze aparta gordetzen du. Zilarrezko kultuko alfaia hau Portugalgo manuelen urregintzako maisulanetako bat da.