Futurama

Futurama
Jatorria
Sortzailea(k)	Matt Groening eta David X. Cohen
Izenburua	Futurama
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Sasoi kopurua	10
Atalak	151
Banatze bidea	eskatu ahalako bideo
Ezaugarriak
Genero artistikoa	ekintzako telesaila, umorezko telesaila, zientzia-fikzioa, science fiction comedy (en) eta adult animation (en)
Iraupena	22 minutu
Ekoizpena
Ekoizlea	David X. Cohen
Konpainia ekoizlea	Fox Broadcasting Company
Ekoizle eragilea	Matt Groening; David X. Cohen; Ken Keeler
Bestelako lanak
Musikagilea	Christopher Tyng
Emanaldia
Jatorrizko igorlea	Fox Broadcasting Company; Comedy Central; Hulu
Hasiera-data	1999ko martxoaren 28a
Amaiera-data	2025eko uztailaren 29a
Fikzioa
Kontakizunaren tokia	New New York (en)
	ikusi Philip J. Fry;
Fikzio-unibertsoa	Futuramaverse (en)
Historia
Jasotako sariak	Annie Award for Best General Audience Animated Television Production (en) ; Primetime Emmy Award for Outstanding Animated Program (en) ; Primetime Emmy Award for Outstanding Animated Program (en) ; Annie Award for Best General Audience Animated Television Production (en)
	comedycentral.com…

Futurama Matt Groening, The Simpsons arrakastatsuaren sortzaileak, egindako bigarren animazio telesaila da. 1999an estreinatu zen, baina 2003an FOX telebista kateak bertan behera uztea erabaki zuen, bere sortzaileen iritziaren aurka. DVDen salmenta onen ondoren, 2007an telesaila berriro martxan jartzea erabaki zuten, lau film luzeren moduan. Geroztik denboraldi gehiago ere ekoitzi dira.

Istorioa

Oharra: Atal honek istorio osoa edo amaiera argitzen du.

Philip Fry, New Yorkeko pizza banatzaile gazte bat, 1999eko abenduaren 31n, banaketa bat egiten ari zen unean kapsula kriogeniko batean izozturik geratu da. Bertan 1000 urte igaro ondoren, 3000. urteko New New York hirian esnatu da. Lehen egunean Leela begi bakarreko neska eta Bender robota ezagutu ditu eta eurekin, bere senideren baten bila hasi eta belaunaldi askoren ondorengo biloba bat topatu du, Hubert Farnsworth irakasle zaharra. Hiru lagunak, horren Planet Express mezularitza enpresan lanean hasi dira, handik aurrera hainbat abentura biziz etorkizuneko lurrean eta baita unibertso zabalean.

Formatuak

Telesailak

Sakontzeko, irakurri: «Futurama atalak»

Telesailak lau sasoitan zehar emititu zuten FOX telebista katean, bertan behera utzi aurretik, 1999tik 2003ra.

Lehenengoa (1999)
Bigarrena (1999 - 2000)
Hirugarrena (2001 - 2002)
Laugarrena (2003)

2010etik hasita, Comedy Central kateak finantzatu eta emititu zituen zenbait denboraldi, 2013ra arte.

Bostgarrena (2009)
Seigarrena (2010 - 2011)
Zazpigarrena (2012 - 2013)

2023an berriz abiarazi zen telesaila, oraingoan Huluren gidaritzapean.

Zortzigarrena (2023)
Bederatzigarrena (2024)
Hamargarrena (2025)

Filmak

FOX-ek telesaila bertan behera utzi ondoren, egileek lau film egitea erabaki zuten zuzenean DVDtan saltzeko.

Benders Big Score (2007) ("Bender-en kolpe handia")
The Beast with a Billion Backs (2008) ("Bilioi bat bizkarreko basapiztia")
Bender's Game (2008) ("Benderren jokoa")
Into the Wld Green Yonder (2009) ("Baso berde sakonean")

Pertsonaiak

Sakontzeko, irakurri: «Futurama telesailaren pertsonaiak»

Planetak

Eguzki-sistemako planetak

Merkurio: Fry eta Amy joan ziren behin planetara, labazko ozeano bat eta gasolindegi bat aurkituz.
Artizarra: Futuraman bizitza dago Artizarrean, eta oihan arrosak eta labazko ibai eta itsasoak dituela ageri da.
Lurra: Telesaileko planeta protagonista, Planet Expressen etxea.
Marte: Lurtarrek konkistatua izan zen eta Wong familia bertako lurrazal gehienaren jabe da. Bertan unibertsitate famatu bat kokatua da.
Jupiter: Fry, Amy eta Zoidberg planeta honetako Europa Satelitera joan ziren behin.
Saturno: Ez da agertu.
Urano: Aurreko menderen batean izena aldatu zioten. 3000 urtean Urectum deitzen da.
Neptuno: Sei besodun izaki moreen jatorrizko planeta; baita Robot Santaren bizitokia ere.
Pluton (planeta nanoa): Erabat izoztuta dago. XXXI. mendean pinguino erreserba bat da.

Beste Planetak

Vergon 6: Planeta hau animalia bitxiez beteta zegoen suntsitu baino lehen.
Chapek 9: Gizakiak gorrotatzen dituzten robotez osatutako kolonia bat da.
Omikron Persei 8: Lurretik 1.000 argi urtera dago eta Lurra eraso zuten "Ally McNeal" telebista saioagatik.
Wormulon: Bare itxurako izaki batzuk bizi dira bertan eta Slurm edaria fabrikatzen dute.
Planeta Neutrala: Bertako biztanle grisek ez dute inoiz erabakirik hartzen.
Decapod 10: Zoidberg doktorearen jaiotze planeta da hondarrez osatutakoa.
Spheron 1: Lurrak planeta honi gerra deklaratu zion arrazoirik gabe, baita irabazi ere. Bertako biztanleek esfera itxura dute.
Amazonia: Emakumez osatutako planeta bat da eta bere nagusia robot eme bat da.
Eternium: Nibblerren jaiotze planeta da eta unibertsoko lehenetarikoa.
Osiris 4: Bertako zibilizazioa Egiptokoaren oso antzekoa da eta monumentu itzelak eraikitzen dituzte.
Anphibios 9: Kif Krokerren jaiotze planeta zingiraz osatutakoa.
Omega 3: Star Trek telesailarekin erlazioa zuen guztia planeta horretara bidali zuten. Baita bertako aktore nagusien buruak ere.
Tarantulon 6: Tarantula itxurako izakiak bizi ziren bertan eta gizakien kontrako gerra galdu zuten.

Ikus, gainera

Simpsondarrak

Kanpo estekak

(Ingelesez) Telesailaren webgune ofiziala
(Ingelesez) Fitxa -www.imdb.com
(Ingelesez) Futurama wiki

Datuak: Q73622
Multimedia: Futurama / Q73622