G. Gordon Liddy

G. Gordon Liddy
	; Irudi gehiago
Bizitza
Jaiotza	Brooklyn, 1930eko azaroaren 30a
Herrialdea	Ameriketako Estatu Batuak
Lehen hizkuntza	ingelesa
Heriotza	Mount Vernon (Virginia), 2021eko martxoaren 30a (90 urte)
Familia
Aita	Sylvester Liddy
Ama	Mary Abbaticchio
Hezkuntza
Heziketa	Fordham University School of Law (en) ; Saint Benedict's Preparatory School (en)
Hizkuntzak	ingelesa
Jarduerak
Jarduerak	FBI agent (en) , aktorea, idazlea, politikaria eta abokatua
Zerbitzu militarra
Parte hartutako gatazkak	Koreako Gerra
Sinesmenak eta ideologia
Erlijioa	Erromatar Eliza Katolikoa
Alderdi politikoa	Ameriketako Estatu Batuetako Alderdi Errepublikanoa

George Gordon Battle Liddy, (Brooklyn, 1930eko azaroaren 30a - Mount Vernon, Virginia, 2021eko martxoaren 30a) estatubatuar abokatu, FBIko ajente, irrati-esatari eta aktorea izan zen.

Biografia[aldatu | aldatu iturburu kodea]

Zuzenbidea ikasi zuen Liddyk, eta 1968an Nixonen presidentetzako kanpainan aritu zen lanean. Kanpainan egindako lanari esker bere aholkulari aukeratu zuen buruzagi errepublikanoak. Etxe Zurian, eta Howard Huntekin batera, oposizioaren aurkako «gerra zikina» bultzatu zuten, eta muturreko hainbat proposamen bultzatu, Nixonen aurkariak hiltzetik gerraren kontrako mugimendua bultzatzen zutenak bahitzeraino.^[1]

Egitasmoetako bat izan zen Alderdi Demokrataren egoitzatik, Watergatetik, haien dokumentuak lapurtzearena. Plana Liddyk berak eta Huntek zuzendu zuten. Auzia argitara atera zenean, biak atxilotu zituzten, lapurretan parte hartu zuten beste bost lagunekin batera. Konspirazioa, lapurreta eta entzuketak egitea egotzi zieten. Hogei urteko kartzela zigorra ezarri zioten Liddyri, baina bost bakarrik bete zituen, 1977an Jimmy Carter presidenteak zigorra barkatu baitzion. Liddy izan zen akusatuetatik deklaratzeari uko egin zion bakarra.^[1]