Gatuzain (maskaradako pertsonaia)

Gatuzaina
Gatuzaina
	Zuberoako maskarada gorria
	Gatuzaina, Maule-Lextarreko maskaradetan, Pagolan, 2023an.
Datu biografikoak

Gatuzaina,^[1] gathüzaina,^[2] gatüzaina^[3] edo gateroa^[3] Zuberoako maskaradetako pertsonaia bat da, maskarada gorriko kidea. Aitzindari edo dantzari nagusietako bat da. Eskuetan gatua (katua) deitu sorgin-guraizeak daramatza, lehengo denboretan neskatilak zirikatzeko, haurrei ikara emateko edo zernahi gauza hartzeko erabiltzen zituenak. Gaur egun, ordea, dantzetara mugatzen da haren eginkizuna.^[3]

Janzkerari dagokionez, soinean jaka urdina, zilarrez edo urrez brodatutako bularralde zuriarekin, galtza horiak, galtzerdi zuriak eta azpantar horiak, eta buruan bonet zuria daramatza.

Erreferentziak

↑ «gatuzain» Orotariko Euskal Hiztegia (Euskaltzaindia).
↑ «Gathüzaina» Dantzan.eus.
1 2 3 Aitzindariak. Etxahun alkartea, web.archive.org (kontsulta data: 2023-2-17).

Kanpo estekak

Datuak: Q12258268

[1] «gatuzain» Orotariko Euskal Hiztegia (Euskaltzaindia).

[2] «Gathüzaina» Dantzan.eus.

[etxa-3] 1 2 3 Aitzindariak. Etxahun alkartea, web.archive.org (kontsulta data: 2023-2-17).

[1]

[2]

[3]