Gayle Rubin
| Gayle Rubin | |
|---|---|
 | |
| Bizitza | |
| Jaiotza | Hego Carolina, 1949 (74/75 urte) |
| Herrialdea |  Ameriketako Estatu Batuak |
| Hezkuntza | |
| Heziketa | Michigango Unibertsitatea 1994) Doktoretza : antropologia |
| Hizkuntzak | ingelesa |
| Jarduerak | |
| Jarduerak | antropologoa, unibertsitateko irakaslea, saiakeragilea, LGBT ekintzailea, idazlea eta emakumeen eskubideen aldeko ekintzailea |
| Enplegatzailea(k) | Michigango Unibertsitatea |
| Jasotako sariak | ikusi
|
| Influentziak | Michel Foucault |
Gayle S. Rubin (AEB, 1949) antropologo kulturala da, eta sexu eta genero politiken alorreko aktibista eta teorialaria. Eragin nabarmena duen autorea izan da eta da, genero-ikasketen eta queer teorien alorretan.
Gai askoren inguruan idatzi du: Feminismoa, sadomasokismoa, prostituzioa, pedofilia, pornografia, lesbianen literatura... Sexuaren inguruko antropologia ikerketak egin izan ditu, eta sexuaren baitako eta azpikulturak aztertu izan ditu, hirietako testuinguruan batez ere.
Sexu/genero sistema[aldatu | aldatu iturburu kodea]
Bere ekarpen terminologiko eta teoriko inportante bat "Sexu/genero sistema" terminoa da[1]. 1975ean honela definitu zuen:
| « | jendarte batek sexualitate biologikoa giza jardueraren produktu bihurtzeko bideak, hots, bereizkerian oinarritutako harreman sozialek sexua eta ugalketa debekuen sistema bihurtzen dituzte, gizon‐emakumeentzako betebehar eta eskubide desberdinak hitzarmen sozial bilakatuz. | » |
| Gayle Rubin | ||
Desberdintasun biologikoetatik abiatuta, botere harremanetan egituratutako egitura sozialak daudela ikasten dugu generoak jendartea antolatzen duelako, eta egunerokotasunean gizon‐emakumeen arteko hartu emanak antolatzen ditu. Identitate sexualari buruz hitz egiterakoan, sexu/genero sistemaren banaketari men eginez, gorputza eta genitalei begira jarriko gara eta alde fisikoari dagokionez sentituko da pertsona gizon ala emakume, kolektibo bataren ala bestearen parte dela, edo bietako bat ere ez.
Azpikultura sexualak[aldatu | aldatu iturburu kodea]
Beste alde batetik, Rubinek sexu piramidearen beheko mailetan dauden pertsonen defentsa politikoa egin izan du, kategoria horretan sartuz sexu ez monogamoa, fetixismoa, sadomasokismoi praktikak, sexu langileak...[2] Jarrera horrek ekarri izan dio sarri askotan haren presentzia zentsuratua izatea hainbat ekintza publikotan, eta «anti-sexu» feministentzat lehen etsai publiko bihurtzea.
Rubinek pronostikatu zuen anti-sexu talde feministek eta haiek sustatzen dituzten legeek, hala nola pornografiaren debekua (bortxaketen kausa zuzentzat jotzen dutelakoan), aliantza arriskutsuak sortuko zituztela, eta argudio multzo bat eskainiko zizkieketela eskuin berriaren gehiengo moral kontserbadoreei.
Erreferentziak[aldatu | aldatu iturburu kodea]
- ↑ (PDF) Hezkidetza egoerari buruzko diagnosi azterlana Gasteizko Ikastetxeetan (0 eta 18 urte). Gasteizko Udala, Hezkuntza Zerbitzua, 6-7 or..
- ↑ Belbel Bullejos, Maria Jose. (2013). (PDF) Ezagutza feministak eta itzulpen politikak. Arteleku, 11-13 or. ISBN 978-84-7907-699-3..
