Geraldo de Souza Rodrigues
| Geraldo de Souza Rodrigues | |||
|---|---|---|---|
2023ko urriaren 25a - 2025eko apirilaren 13a ← José Moreira da Silva Elizbarrutia: Januáriako elizbarrutia | |||
| Bizitza | |||
| Jaiotza | Porto Firme, 1963ko urriaren 24a | ||
| Herrialdea |  Brasil | ||
| Heriotza | 2025eko apirilaren 13a (61 urte) | ||
| Jarduerak | |||
| Jarduerak | apaiz katolikoa, apezpiku katolikoa eta diakonoa | ||
| Sinesmenak eta ideologia | |||
| Erlijioa | katolizismoa | ||
Geraldo de Souza Rodrigues (Porto Firme, 1963ko urriaren 24a – Belo Horizonte, 2025eko apirilaren 13a) brasildar elizgizon katolikoa izan zen, 2023tik 2025era Januáriako apezpikua izan zena.[1]
Bizitza
[aldatu | aldatu iturburu kodea]1978an hasi zuen apaiz izateko prestaketa eta Marianako apaizgaitegi txikian sartu zen. 1983 eta 1984an filosofia ikasi zuen eta 1985etik 1988ra teologia, Marianako San Jose apaizgaitegi nagusian.[1][2]
1987ko azaroaren 28an diakono ordenatu zuten Marianako Jasokundeko Andre Mariaren katedralean.[2] 1988ko maiatzaren 20an apaiztu zen jaioterrian, Marianako artxidiozesian inkardinatuta geratuz.[1]
Ondoko elizetako parrokoa izan zen:
- Diogo de Vasconcelosko San Domingo eliza (1988-1989);
- Mercêsko Errukiaren Andre Mariaren eliza (1989-1998);
- Itabiritoko San Sebastian eliza (1999-2005);
- Conselheiro Lafaieteko Jesusen Bihotz Guztiz Santuaren eliza (2005-2011);
- Entre Rios de Minasko Brotasko Andre Mariaren eliza (2011-2019);
- Paula Cândidoko San Jose eliza (2019-2022);
- Viçosako Fatimako Arrosarioko Andre Mariaren eliza (2022-2023).[1][2]
Gainera, Marianako artxidiozesiako katekesi-koordinatzailea, apaizen ordezkaria, Aholkularien Elkargoko eta Pastoral Kontseiluko kidea izan zen.[1][2]
2023ko urriaren 25ean, Frantzisko aita santuak Januáriako apezpiku izendatu zuen.[1] 2024ko urtarrilaren 27an Airton José dos Santos Marianako artzapezpikuak ordenatu zuten Porto Firmeko Sortzez Garbiaren elizan. Beste kontsakratzaileak José Carlos de Souza Campos Montes Clarosko artzapezpikua eta Lauro Sérgio Versiani Barbosa Colatinako apezpikua izan ziren.[3][4]
Giltzurruneko minbizia diagnostikatu ziotenean, tratamendua hasi zuen, baina 2025eko apirilaren 13an hil zen Belo Horizonten.[5][6][7]
Ondorengotza apostolikoa
[aldatu | aldatu iturburu kodea]- Scipione Rebiba kardinala
- Giulio Antonio Santorio kardinala (1566)
- Girolamo Bernerio kardinala (1586)
- Galeazzo Sanvitale artzapezpikua (1604)
- Ludovico Ludovisi kardinala (1621)
- Luigi Caetani kardinala (1622)
- Ulderico Carpegna kardinala (1630)
- Paluzzo Paluzzi Altieri Degli Albertoni kardinala (1666)
- Benedikto XIII.a aita santua (1675)
- Benedikto XIV.a aita santua (1724)
- Klemente XIII.a aita santua (1743)
- Henry Benedict Mary Clement Stuart kardinala (1758)
- Leon XII.a aita santua (1794)
- Chiarissimo Falconieri Mellini kardinala (1826)
- Camillo Di Pietro kardinala (1839)
- Mieczyslaw Halka Ledóchowski kardinala (1861)
- Jan Maurycy Pawel Puzyna z Kosielsko apezpikua (1886)
- Józef Bilczewski artzapezpikua (1901)
- Bolesław Twardowski artzapezpikua (1919)
- Eugeniusz Baziak artzapezpikua (1933)
- Joan Paulo II.a aita santua (1958)
- Décio Pereira apezpikua (1979)
- Airton José dos Santos artzapezpikua (2002)
- Geraldo de Souza Rodrigues apezpikua[4]
Erreferentziak
[aldatu | aldatu iturburu kodea]- ↑ a b c d e f (Italieraz) «Nomina del Vescovo di Januária (Brasile)» Bollettino Sala Stampa della Santa Sede 2023-10-25 (Noiz kontsultatua: 2025-04-19).
- ↑ a b c d (Portugesez) «Nomeado o novo bispo da diocese de Januária, em Minas Gerais» CNBB 2023-10-25 (Noiz kontsultatua: 2025-04-19).
- ↑ (Portugesez) «Divulgada a data da ordenação episcopal de Monsenhor Geraldo» Arquidiocese de Mariana 2023-11-01 (Noiz kontsultatua: 2025-04-19).
- ↑ a b (Ingelesez) «Bishop Geraldo de Souza Rodrigues †» Catholic Hierarchy (Noiz kontsultatua: 2025-04-19).
- ↑ (Portugesez) «Nota de Falecimento de Dom Geraldo de Souza Rodrigues» Arquidiocese de Mariana 2025-04-14 (Noiz kontsultatua: 2025-04-19).
- ↑ (Portugesez) «Luto e dor: falece Dom Geraldo de Souza Rodrigues» Correio de Minas 2025-04-14 (Noiz kontsultatua: 2025-04-19).
- ↑ (Portugesez) «Faleceu dom Geraldo de Souza Rodrigues, bispo diocesano de Januária (MG)» CNBB 2025-04-14 (Noiz kontsultatua: 2025-04-19).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q123181573
Multimedia: Geraldo de Souza Rodrigues / Q123181573