Ghero (antzezlana)

Ghero (antzezlana)
Jatorria
Egilea(k)	Patxo Telleria
Argitaratze-data	2018
Izenburua	Ghero
Ezaugarriak
Genero artistikoa	antzezlana
Hizkuntza	euskara
Zuzendaritza eta gidoia
Zuzendaria(k)	Jokin Oregi
Gidoigilea(k)	Patxo Telleria
Antzezlea(k)
	Mikel Martinez ; Patxo Telleria ; Olatz Ganboa ; Ane Pikaza ; Iñaki Maruri
Argumentu nagusia	euskara, Euskararen historia eta hizkuntza-aniztasuna

Ghero Azken euskalduna Patxo Telleriak sortutako eta Jokin Oregik zuzenduriko euskal antzezlan bat da.^[1] 2018tik 2020 bitartera antzeztu zen Euskal Herriko herri ugaritan, horien artean, Bilboko Arriaga Antzokian, Iruñeko Gaiarre Antzokian, Gasteizko Principal Antzokian, Baionako Michel Portal antzokian eta Donostiako Victoria Eugenia antzokian.^[1]^[2]

Gaia eta laburpena[aldatu | aldatu iturburu kodea]

Antzezlana 3000. urtean kokatzen da, etorkizun urrunean, bertan, azken euskalduna hiltzear dago eta ez du bere patua onartu nahi. Antzezlanak erantzuteko zail diren galderak planteatzen ditu, adibidez: "3000. urtean euskara egongo al da?", "Euskararen pizkunde berria ote?". Horrekin bat, azaltzeko zaila den euskararen iraupenarekiko harridura eta miresmena azaltzen ditu antzezlanak, bederatzi istorio kontatuz. Istorio horien artean, algonkin-euskara pidginarekin eta Donemiliaga Kukulako glosekin loturikoak daude, besteak beste. Beste modu batera esanda, euskararen historia kontatzen saiatzen da, modu berritzaile eta berezi batean.^[3]

Bestalde, antzezlanak hizkuntzen aniztasunaren aberastasuna goresten du eta horren erakusgarri, hainbat hizkuntzak parte hartzen dute antzezlanean, euskara nagusi bada ere: ingelesa, frantsesa, gaztelania, txinera, katalana, galiziera eta latina. Ezin aipatu gabe utzi, antzezlanak irudikatzen duen 3000. urte horretan, "hizkuntza global" izena jasotzen duen hizkuntza bat soilik mintzatzen da, honek dituen ondorioak azaltzen ditu, zeharka, antzezlanak.