Gibelubel orriahul
| Gibelubel orriahula | |
|---|---|
 | |
| Sailkapen zientifikoa | |
| Erreinua | Fungi |
| Klasea | Agaricomycetes |
| Ordena | Russulales |
| Familia | Russulaceae |
| Generoa | Russula |
| Espeziea | Russula romellii Maire, 1910 |
Gibelubel orriahula (Russula romellii) Russulaceae familiako onddo espeziea da.[1][2] Jangarri ona, Russula cyanoxantha eta Russula heterophylla perretxikoen kalitate antzekoa du.
Deskribapena
[aldatu | aldatu iturburu kodea]Kapela: 8 eta 14 cm bitarteko diametrokoa, hasieran hemisferikoa, gero ganbila, azkenik laua eta erdigunea hondoratuta. Ertza inkurbatutik lau-dekurbatura eta pixka bat ildaskatua, azalaren uzkurtzeagatik. Azala erradioaren herenean bereiz daiteke, likatsua eguraldi euritsuarekin eta lehorra eta distiratsua lehorrarekin; biolazeo-ardo kolorekotik purpura-biolazeora doana, baina erdigunean okre-olibatik horixka-olibara doan kolorekoa.
Orriak: Subadnata-tik emarginada-ra doazenak, estu, zabalak, hauskorrak, zainekin, batzuk urkilatuak; krema-horixka koloretik horixka-laranjara doazenak eta ertza osorik dute eta kolore berekoak.
Hanka: 4 - 8 x 1 - 3 (3,5) cm-koa, zilindriko klabiformetik zertxobait sabeldunera, betea eta gero arroa, oinarria lodixeagoa du eta azala kizkurra; zuria eta oinarrian herdoil kolorez zikindua.
Haragia: Lodia eta trinkoa, zuritik zertxobait horixkara, eta tonu berdexkak izaten ditu kapelaren azalaren azpian; usain garratzekoa eta zapore gozokoa.[3]
Etimologia: Latinetik dator Russula hitza, russus-etik, gorriaren txikigarritik: apur bat gorrixka, kolore gorria dutelako Russula generoko espezie askok.
Jangarritasuna
[aldatu | aldatu iturburu kodea]Jangarri ona.[4]
Nahasketa arriskua
[aldatu | aldatu iturburu kodea]Russula olivacea delakoaren ale gazteekin nahastu daiteke eta Russula alutacea espeziearekin, honek esfumatura arrosak ditu hankan eta kapelak kolore okreagoa du.
Sasoia eta lekua
[aldatu | aldatu iturburu kodea]Udan eta udazkenean, hostozabalen basoetan, batez ere lurzoru azidoko pagadietan.[5]
Banaketa eremua
[aldatu | aldatu iturburu kodea]Europa eta Ipar Amerika.
Erreferentziak
[aldatu | aldatu iturburu kodea]- ↑ Russula romellii, GBIF—the Global Biodiversity Information Facility.
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Palacios Quintano Daniel. (2014). Disfrutando con las setas. Leitzaran, Grafikak S.L. Andoain, Gipuzkoa, 400 or. ISBN 978-84-617-0196-4..
- ↑ (Gaztelaniaz) Lotina, Roberto. (1985). Mil setas ibericas. Diputacion foral de vizcaya, 132 or. ISBN 84-505-1806-7..
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 66 or. ISBN 84-282-0865-4..
Kanpo estekak
[aldatu | aldatu iturburu kodea]
Datuak: Q1759472
Multimedia: Russula romellii / Q1759472