Pirinio Garaiko Parke Naturala
| Alt Pirineuko Parke Naturala | |
|---|---|
 Ikuspegia Guils del Cantó-tik. | |
  Pirinio Garaiko Parke Naturala | |
| Kokalekua |  Katalunia |
| Azalera | 69.850 ha |
| Sorrera | 2003 |
| Arduraduna | Kataluniako Generalitatea |
Alt Pirineuko Parke Naturala (katalanez: Parc Natural de l'Alt Pirineu; gaztelaniaz: Parque natural del Alto Pirineo) Kataluniako Generalitateak sortu zuen 2003an Pallars Sobirà eta Alt Urgell eskualdeetan, Lleidako probintziaren ipar-mendebaldean. 69.850 ha-ko azalera dauka.
Interes guneen artean Certascango aintzira dago, Kataluniako glaziar aintzirarik handiena dena. Bestela, basoilarrek hemen daukate populaziorik handiena Penintsula osoan, eta arrano beltzak, putreak eta ugatzak ohikoak dira. Gainera, ugaztun handi belarjaleren 6 mota bizi dira Parkean: Sarrioak, mufloiak, orkatzak, oreinak, adarzabalak eta basurdeak.
Azkenik, hartz arreak oso ugariak izan ziren 1980ko hamarkadara arte, desagertu zirenean. Azken urteetan bestela, birpopulazio ekimenari esker, itzuli dira ibar eta mendi hauetara. 2012an 12 bat hartz parke honetan bizi ziren.
Udalerriak[aldatu | aldatu iturburu kodea]
- Alt Àneu, La Guingueta d'Àneu, Esterri d'Àneu, Alins, Esterri de Cardós, Farrera, Lladorre, Llavorsí, Rialp, Soriguera, Sort, Tírvia eta Vall de Cardós (Pallars Sobirà).
- Les Valls de Valira eta Montferrer i Castellbò (Alt Urgell).
Kanpo estekak[aldatu | aldatu iturburu kodea]
Datuak: Q3322369
Multimedia: Alt Pirineu Natural Park / Q3322369