Gregorio Ordóñez
| Gregorio Ordóñez | |||
|---|---|---|---|
| |||
| Bizitza | |||
| Izen osoa | Gregorio Ordóñez Fenollar | ||
| Jaiotza | Caracas, 1958ko uztailaren 21a | ||
| Herrialdea |
 Espainia | ||
| Heriotza | Donostia, 1995eko urtarrilaren 23a (36 urte) | ||
| Hobiratze lekua | Polloeko hilerria | ||
| Heriotza modua | gizahilketa | ||
| Hiltzailea | Euskadi Ta Askatasuna | ||
| Familia | |||
| Anai-arrebak |
ikusi
| ||
| Hezkuntza | |||
| Heziketa | Nafarroako Unibertsitatea | ||
| Hizkuntzak | gaztelania | ||
| Jarduerak | |||
| Jarduerak | politikaria | ||
| Lantokia(k) | Donostia | ||
| Kidetza | Euskadiko Alderdi Popularra | ||
| Sinesmenak eta ideologia | |||
| Alderdi politikoa | Alderdi Popularra | ||
Gregorio Ordóñez Fenollar (Caracas, Venezuela, 1958ko uztailaren 21- Donostia, 1995eko urtarrilaren 23a) Venezuelan jaiotako politikaria izan zen, ETAk eraila.
Biografia[aldatu | aldatu iturburu kodea]
Nahiz eta Venezuelan jaio, Ordóñez Fenollar familia 1965ean aldatu zen Donostiara (Gipuzkoa), eta hiri horretan egin zituen Gregoriok lehen eta bigarren mailako ikasketak. Nafarroako Unibertsitatean Kazetaritzan lizentziatu zen, eta, denboraldi labur batez ogibide izan ondoren, Alderdi Popularreko gazte sailean (Nuevas Generaciones) izena eman zuen. 1983. urtean, 24 urte besterik ez zuela, Donostiako zinegotzi hautatu zuten. Legealdi hartantxe Hirigintza-Lege saileko zinegotzi ere izendatu zuten, eta 1987ean, Turismo eta Jaietako zinegotzi. 1991tik aurrera, ordea, Hirigintzako zinegotzi izan zen. Garai berean lehen alkateorde izan zen. Hiru bider izan zen hautagai-zerrendako buru, eta 1995. urtean ere horretarako izendatu zuten. 1990. urtean Ana Iribar irakaslearekin ezkondu zen, eta hiru urte geroago Javier semea jaio zen.
Nahiz eta alderdi abertzaleek gehiengoa eduki Gipuzkoan eta ETAk presio handia egin, Ordóñezek gidatutako talde batek emaitza onak lortu zituen hainbat hauteskundetan, Aliantza Popularra alderdiarentzat lehenik, Alderdi Popularrarentzat geroago. 1994. urteko Europar Legebiltzarreko hauteskundeetan Donostiako zerrenda bozkatuena izan zen.
1995eko urtarrilaren 23an, Donostiako Parte Zaharreko jatetxe batean bazkaltzen ari zen alderdikideekin, tartean Maria San Gil, bere idazkaria. Maiatzeko hauteskundeak prestatzen ari ziren. Orduan, Frantzisko Xabier Gartzia Gaztelu Txapotek eta Juan Ramon Casatorrek osatutako ETAko komando bat jatetxean sartu zen, eta Gregorio Ordóñez tiroz hil zuten. ETAk modu horretan hiltzen zuen lehenengo zinegotzia izan zen; garai hartan zinegotziek ez zuten bizkartzainik erabiltzen.
Haren hilobiak hainbat aldiz donausteak jasan ditu.
Kanpo estekak[aldatu | aldatu iturburu kodea]
- (Gaztelaniaz) Gregorio Ordóñezen hilketaren hamargarren urteurrena
- (Gaztelaniaz) Txapoteren aurkako epaiketaren hasiera, 2006ko azaroaren 29ko artikulua.
