Gualberto Villarroel

Gualberto Villarroel
Irudi gehiago
45. Boliviako presidentea 1943ko abenduaren 20a - 1946ko uztailaren 22a ← Enrique Peñaranda - Néstor Guillén →
Bizitza
Jaiotza	Villa Rivero (en) , 1908ko abenduaren 15a
Herrialdea	Bolivia
Heriotza	La Paz, 1946ko uztailaren 21a (37 urte)
Hobiratze lekua	Cochabamba Cemetery (en)
Hezkuntza
Hizkuntzak	gaztelania
Jarduerak
Jarduerak	politikaria eta ofizierra

Gualberto Villarroel López (Villa Rivero, Cochabamba, 1908ko abenduaren 15a - La Paz, 1946ko uztailaren 21a) boliviar militar eta politikaria izan zen. Boliviako presidentea izan zen 1943tik 1946ra. Erreformista bat izan zen, eta Juan Perónekin alderatu zuten, eta bere sinpatia faxistengatik eta bere heriotza bortitzagatik gogoratzen dute.

Ikastetxe Militarrean graduatu ondoren Chacoko Gerran esku hartu zuen. Boliviak gerran izandako porrotak erreformen beharraz konbentzitu zuen, eta David Tororen eta Germán Buschen erregimen militar sozialistak babestu zituen.

1943ko abenduaren 20an estatu-kolpe batean boterea hartu zuen ofizialen taldean parte hartu zuen eta de facto presidente izendatu zuten. Estatu Batuek gobernu berria Ardatzeko potentzien hurbilekotzat jo zuten eta ez zuten onartu.

Villarroel Boliviako indigenen alde egiten saiatu zen eta 1944an Indigenen Kongresua antolatu zuen La Pazen. 1945ean hauteskundeak deitu eta presidente konstituzional hautatu zuten. 1945ean konstituzio berria aldarrikatu zuen.

Oposizioaren errepresio bortitzak gobernuaren ospea hondatu zuen. Villarroelek armadaren babesa galdu zuen eta 1946an izandako matxinada batean hil zuten. Haren gorpua farola batetik zintzilikatu zuten.

• Datuak: Q886495
• Multimedia: Gualberto Villarroel / Q886495