Guayaquilgo lehorreko terminala

Guayaquilgo lehorreko terminala
	Irudi gehiago
Kokapena
Estatu burujabe	Ekuador
Province of Ecuador	Guayas probintzia
Ekuadorreko kantoia	Guayaquil
Hiria	Guayaquil
Koordenatuak	2°08′37″S 79°52′46″W / 2.14354°S 79.87937°W
Historia eta erabilera
Irekiera	1985eko urriaren 11
	Webgune ofiziala

Guayaquilgo lehorreko terminala busen terminal bat da Guayaquilen, Ekuadorren. Benjamín Rosales etorbidean eta Las Américas etorbidean dago, José Joaquín de Olmedo nazioarteko aireportuaren eta Metroviako Río Daule terminalaren artean. Eraikin nagusiaren izena "Dr. Jaime Roldoss Aguilera eraikina" da. Japoniako Fujita enpresak eraiki zuen eta 1985eko urriaren 11n inauguratu zen, ordutik Comisión de Tránsito del Guayas batzordeak administratu zuelarik.^[1] Inauguratu eta bi urtera, terminalak egitura-kalteak izan zituen, diseinuaren eta erabilitako materialen ondorioz.

Hondatze-egoera horrek 2002ra arte iraun zuen. Orduan hasi ziren berreraikitze-lanak Terminal Terrestre Fundazioaren eskutik. Fundazio horren bazkide sortzaileak Guayaquilgo Udala, Guayaquilgo Hiritar Batzarra eta Guayasko Comisión de Tránsito Batzordea dira.^[1] Guillermo Lasso buru duen fundazioak 2007an amaitu zituen berreraikitze-lanak, eta eraikin nagusi bat entregatu zuen, erabat birmoldatua, urtean 42 milioi erabiltzaileren igarotzeari eusteko ahalmenarekin.^[2]^[3] Terminala birmoldatzeko, barruko instalazioak berregokitu egin behar izan ziren, eta outlet "mall-terminal" bihurtu, Lurreko Outlet Terminal.

Inmomariuxi enpresak egindako berreraikuntzaren kostua 50 milioi dolarrekoa dela kalkulatzen da, Andeetako Sustapen Korporazioak, Lucio Gutierrezen gobernuak, Guayaquil udalerriak eta Terminal Terrestre Fundazioaren funtsek finantzatuta.