Gure Herria

Wikipedia, Entziklopedia askea
Gure Herria
Mota Baionako kultura
Fitxa teknikoa
Lehen zenbakia 1921
Azken alea 1976
Hizkuntza Euskara
Argitaratze lekua Baiona
Banaketa
Banatze-eremua Ipar Euskal Herria
Maiztasuna

Hilabetekaria (1921)-(1926)

Bihilabetekaria (1927)-(1976)
Historia
Erredaktoreak Laurent Apesteguy, Jean Barbier, Edmond Blazy, Louis Dassance, Dibildos kalonjea, Christoph Dufau, Jean Elizalde, Georges Hérelle, Pierre Iturbide,Francis Jammes, Piarres Lafitte Pierre Lhande, Albert Léon, Jules Moulier, Jean Saint-Pierre, Emmanuel Souberbielle, Francis Jammes, Julien Vinson
Kanpo loturak
hdl.handle.net/10357/2316

Gure Herria euskal aldizkaria izan zen, zenbait apaiz abertzalek eta Eskualduna egunkariko kazetari gazte batzuek 1921eko urtarrilean Baionan sortutakoa. Euskal gaiei eta, batez ere, literaturari buruzko artikuluak argitaratu zituen. 1924an bere zuzendaritza-batzordea Laurent Apesteguy, Jean Barbier, Edmond Blazy, Louis Dassance, Christoph Dufau, Jean Elizalde, Jules Moulier, Jean Saint-Pierre eta Emmanuel Souberbielle zituen kideak. Jules Moulierrek, lehenengo urteetan, lanaren zati handi bat egin zuen.

1921 eta 1926 artean, Gure Herria hilabetero eta 1927tik aurrera bi hilabetero argitaratu zuten. Euskal gaiez gain, edukian zenbait literatura lan edo antzezlan ere zituen eta, bukaeran, musika-eranskina.

1939an, Espainiako Gerra Zibila zela eta, eten arren, 1950etik aurrera berriro martxan jarri zuten Jean Saint-Pierreren ahaleginei esker. Lankideen artean Pierre Lhande, Francis Jammes, Julien Vinson, Dibildos kalonjea, Georges Hérelle, Albert Léon, Georges Lakonbe, Piarres Lafitte eta Pierre Iturbide zeuden.

Hurrengo urteetan ere, kalitatezko lankideek ere parte hartu zuten: Jean Barbier, Oxobi, Larreko, Louis Dassance, Maddi Ariztia, Etxahun, Piarres Lartzabal, Minaberri, Telesforo Monzón, Salaberri, eta abar.

Gure Herria-ren azken alea 1976an argitaratu zuten.

Kanpo estekak[aldatu | aldatu iturburu kodea]

  • [1], "Sancho el Sabio" fundazioak digitalizatutako aleak.