Harry Kane

Harry Kane
	; (2018) Irudi gehiago
Bizitza
Jaiotzako izen-deiturak	Harry Edward Kane
Jaiotza	Walthamstow (en) eta Londres, 1993ko uztailaren 28a (29 urte)
Herrialdea	Erresuma Batua
Lehen hizkuntza	ingelesa
Hezkuntza
Heziketa	Chingford Foundation School (en)
Hizkuntzak	ingelesa
Jarduerak
Jarduerak	futbolaria
Ibilbidea
	Parte-hartzailea UEFA Euro 2016 ; 2018ko Munduko Futbol Txapelketa ; UEFA Euro 2020 ; 2022ko Munduko Futbol Txapelketa ;
Posizio edo espezialitatea	aurrelaria
Kirol zenbakia	10
Pisua	73 kilogramo
Altuera	188 zentimetro
Jasotako sariak	ikusi Britainiar Inperioko Ordenaren kidea ;

Harry Edward Kane (1993ko uztailaren 28a) futbolista profesional ingelesa da. Aurrelari moduan jokatzen du Tottenham Hotspur taldean, Premier Ligan. Gainera, Ingalaterrako selekzioko kapitaina da.

Futbolariak 2011ko abuztuaren 25ean, Europa Ligan, Hearts taldearen kontra, Tottenhamekin. egin zuen debuta. Tottenhamen titular izan aurretik, utzita jokatu zuen zenbait taldetan, hala nola Leyton Orient, Millwall, Leicester City eta Norwich City.

Ibilbidea[aldatu | aldatu iturburu kodea]

2014-2015 denboraldian hasi zen Tottenham-en titular moduan jokatzen, eta orduan 31 gol sartu zituen, haietatik 21 ligan. Orduan izendatu zuten Urteko Jokalari Gazte Onena. Kane Premier Ligako golegile gorena izan zen 2015-2016 eta 2016-2017 denboraldietan, eta bietan ezinbestekoa izan zen Tottenham sailka zedin Champios Ligarako. Sei aldiz izendatu zuten Hileko Jokalari Onena, lehenago Steven Gerrard jokalariak zuen errekorra. Horretaz gain, lau denboraldi horietan Urteko Taldean sartu zuten. Ehundik gora gol sartu ditu Tottenhamen, eta, oraingoz, seigarrena da Premier Ligako inoizko golegile onenen zerrendan. 2019an, Tottenhamekin txapeldunen ligako finalera iritsi zen, hori bai, azken partiduak ezin izan zituen jokatu, min hartuta baitzegoen.

Kanek maila guztietan jokatu izan du Ingalaterrako selekzioarekin: 17 urtez azpikoan, 19 urtez azpikoan, 20 urtez azpikoan eta 21 urtez azpikoan. Gola sartu zuen selekzio absolutuan debutatu zuenean, 2015eko martxoaren 27an, eta aukeratu egin zuten 2016ko Euroligarako. 2017an, The Guardian egunkariak munduko 5. jokalaririk onena izendatu zuen. ^[1] 2018ko Munduko Kopan, Ingalaterrarekin jokatu zuen, eta Urrezko Bota irabazi zuen, bera izan baitzen golegile nagusiena.

2021eko maiatzaren 23an eguneratua.
Kluba	Urtea	Partida(k)	Gola (k)	Asistentzia (k)
Leyton Orient	2011	18	5	0
Millwall	2012	27	9	5
Norwich City	2012 - 2013	5	0	1
Leicester City	2013	15	2	0
Tottenham	2011-	335	220	46

Selekzio nazionala[aldatu | aldatu iturburu kodea]

Gaur egun, Ingalaterrako selekzio nazionaleko kapitaina da. 2015eko martxoaren 27an egin zuen debuta. Bere ibilbidean, orainarte, Eurokopa batean (2016) eta Munduko txapelketa batean (2018) hartu du parte, eta 2021ean jokatu den Eurokopara deitu dute. Denera, 53 partidu jokatu ditu, eta 34 gol sartu ditu.

Aurretik, Ingalaterrako 17, 19, 20 eta 21 urtez azpiko selekzioetan jokatu du Kane-k.

Erreferentziak[aldatu | aldatu iturburu kodea]

↑ (Ingelesez) sport, Guardian; sport, Guardian. «The 100 best footballers in the world 2017» The Guardian ISSN 0261-3077. (Noiz kontsultatua: 2018-10-11).

Kanpo estekak[aldatu | aldatu iturburu kodea]

Datuak: Q969725
Multimedia: Harry Kane

[1] (Ingelesez) sport, Guardian; sport, Guardian. «The 100 best footballers in the world 2017» The Guardian ISSN 0261-3077. (Noiz kontsultatua: 2018-10-11).

[1]