Hassan II.aren meskita

Wikipedia, Entziklopedia askea
Jump to navigation Jump to search
Hassan II.aren meskita
مسجد الحسن الثاني
Kokapena
Herrialdea Maroko
EskualdeaCasablanca-Settat
PrefekturaCasablanca Prefecture
HiriaCasablanca
Koordenatuak 33° 36′ 26″ N, 7° 37′ 57″ W / 33.607341666667°N,7.6325611111111°W / 33.607341666667; -7.6325611111111Koordenatuak: 33° 36′ 26″ N, 7° 37′ 57″ W / 33.607341666667°N,7.6325611111111°W / 33.607341666667; -7.6325611111111
Altitudea , itsas mailaren gainetik
Historia eta erabilera
Izenaren jatorria Hassan II.a Marokokoa
Erlijioa Islama
Arkitektura
Arkitektoa Michel Pinseau Itzuli
Estiloa Moorish architecturea Itzuli

Hassan II.aren meskita (arabieraz: مسجد الحسن الثاني‎) Casablancan (Maroko) dagoen meskita erraldoi ospetsua da, munduko tenplu altuena: minaretean dauden laserrek 210 metrotara ailegatzen dira eta urrutitik ikus daitezke. Halaber, munduko bigarren handiena da, Mekaren atzetik. [1]Penintsula artifizial baten gainean eraikia dago, itsasoaren uraren gainean; horren arrazoia Koranen bertsikulo batean dago: «Alaren tronua uraren gainean zegoen».[2]

Historia[aldatu | aldatu iturburu kodea]

Kokapena Casablancan Hassan II.ak berak erabaki zuen, herrialdeko ekonomikoki hiri indartsuena nolabait bereizteko. Diseinua Michel Pinseau arkitekto frantsesarena da. Eraikuntza 1985eko uztailaren 12an hasi zen eta 1993ko abuztuaren 30ean inauguratu zuten. Eraikuntzan 2.500 pertsonek eta 10.000 artisauek hartu zuten parte. Artisauek sapaiak, zoluak, zutabeak eta apaingarriak egin zituzten horretarako egurra, mosaikoak, igeltsua, marmola... erabiliz. Obraren kostua 5.494 milioi dirhamekoa izan zen, 505 milioi euro inguru. Minareteren altura 210 metrokoa da. Meskitaren kanpo aldea 30.000 m²koa da.[3]

Eraikina[aldatu | aldatu iturburu kodea]

Meskitaren erabileretatik at, eraikinean 100.000 pertsona bildu daitezke: 80.000 patioan eta 25.000 otoitz aretoan. Halaber madrasa edo eskola koranikoa du, hitzaldi-aretoa, hammams, liburutegi espezializatuak, lur azpiko aparkalekua...[4]

Kritikak[aldatu | aldatu iturburu kodea]

Marokoko gizartearen sektore handiek megaproiektu hau kritikatu zuten. Kostuak oso handiak izan ziren eta obrak egiteko aurretik txabola-auzo bat ezabatu behar izan zen; kaltetuek horren truke ez zuten ezer jaso.

Erreferentziak[aldatu | aldatu iturburu kodea]

  1. .
  2. .
  3. .
  4. .

Kanpo estekak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Hassan II.aren meskita Aldatu lotura Wikidatan