He-Man eta Unibertsoko Jaunak

He-Man eta Unibertsoko Jaunak
Jatorria
Sortzailea(k)	Lou Scheimer (en)
Izenburua	He-Mand an the Masters of the Universe
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Sasoi kopurua	2
Atalak	130
Banatze bidea	eskatu ahalako bideo
Ezaugarriak
Genero artistikoa	zientzia-fikzioa, zientzia-fikzio fantastikoa eta umorezko telesaila
Iraupena	30 minutu
Deskribapena
Oinarritua	Masters of the Universe Bible (en) ; action figure (en)
Zuzendaritza eta gidoia
Zuzendaria(k)	Gwen Wetzler (en) ; Hal Sutherland (en)
Ekoizpena
Konpainia ekoizlea	Filmation (en)
Bestelako lanak
Musikagilea	Haim Saban
Emanaldia
Jatorrizko igorlea	broadcast syndication (en)
Hasiera-data	1983ko irailaren 5a
Amaiera-data	1985eko azaroaren 21a
Fikzio-unibertsoa	Masters of the Universe universe (en)
kronologia

He-Man eta Unibertsoko Jaunak (ingelesez: He-Man and the Masters of the Universe) Mattel, Inc. jostailu konpainiaren Masters of the Universe jostailuetan oinarritutako marrazki bizidun telesail bat da. 1980ko hamarkadan haurren artean arrakasta handienetakoa izan zuen marrazki bizidun telesaila da, gaur egun garai hartan haurrak ziren helduen artean kultuzko marrazki bizidun telesaila bilakatu dira.

Euskal Herrian ETB1ean euskaraz aireratu zen.

Argumentua

Eternia izeneko fikziozko planetan girotua dago.Protagonista nagusia Adam printzea da, Eterniako agintariak diren Randor eta Marlena errege-erreginen semea. Adam printzeak Boterearen Ezpata duen aldioro honakoa ohiukatzen du: "Grayskullen boterearengatik! Nik dut boterea!", orduan ezpata boteretsuak He-Man heroian bilakatzen du, unibertsoko gizonik boteretsuena. Bere adiskideak honakoak dira, Gerra-Katu (Adamen antzeko bilakaera jarraituz, haren tigre maskota koldarra den Cringer izatetik tigre beldurgarri bat izatera igarotzen da), Sorceress sorgina, Man-At-Arms armagizona eta Orko. He-Manek bere boterea Eternia planeta Skeletor maltzurra eta haren kideetatik defendatzeko erabiltzen du. Skeletorren helburu nagusia Grayskull gaztelu misteriotsua bereganatzea da, bertatik He-Manek bere boterea jasotzen baitu. Lortuz gero, Skeletorrek Eternia bereganatzeko adina boterea luke, eta ziurrenik, baita unibertso osoa ere. Gainera, He-Manek She-Ra izeneko arreba bikia ere badu, hura bezala Eterniako agintarien Adora izeneko alaba, baina bera Etheria izeneko planetan bizi da. Honek ere anaiaren antzera botere berbera du eta biek ere justizia, askatasuna eta edozein izaki bizidunen eskubideen alde borrokatzeko betebeharra burutzeko helburua dute.

Kanpo estekak

He-Man eta Unibertsoko Jaunak marrazki bizidun telesailaren sarrera eta doinua ikusgai eta entzungai (Ingelesez)
He-Man eta Unibertsoko Jaunak marrazki bizidun telesailaren IMDBko fitxa irakurgai (Ingelesez)

Datuak: Q696870