Heather McDermid

Wikipedia, Entziklopedia askea
Heather McDermid
Bizitza
JaiotzaCalgary1968ko urriaren 17a (53 urte)
Herrialdea Kanada
Hezkuntza
HeziketaRice Unibertsitatea
Jarduerak
Jarduerakarraunlaria
Altuera178 zentimetro

Olympic.org: heather-mcdermid Edit the value on Wikidata

Heather Jane McDermid (Calgary, Kanada, 1968ko urriaren 17a) arraunlari kanadiarra da. 1996an zilarrezko domina irabazi zuen eta 2000an brontzezkoa.

Bizitza[aldatu | aldatu iturburu kodea]

Heather McDermid kanadarrak pista eta zelaiko atleta bezala hasi zuen bere kirol ibilbidea, 800 metrotan espezializatuz eta Estatu Batuetako Rice Unibertsitatean kirol beka bat lortuz. 1989 eta 1990ean, All-American ohoreak jaso zituen, baina etapa honi handik pixka batera orkatilan egindako lesio batek eman zion amaiera. Ez zuen etsi nahi eta horretxegatik hasi zen arraunean. 1994an Kanadako talde nazionaleko kide izan zen.

Ibilbidea[aldatu | aldatu iturburu kodea]

Nazioarteko bere lehen txapelketa nagusia 1996ko udan izan zen, Atlantako Olinpiar Jokoetan. Bertan, zilarrezko domina irabazi zuen emakumeentzako zortzikoetan lemazainarekin, [Tosha Tsang], [Maria Maunder], [Alison Korn], [Emma Robinson], [Anna Van der Kamp], [Jessica Monroe], [Theresa Luke] eta [Lesley Thompson-Willie] -ekin batera.

Handik hiru urtera, 1999an, Munduko Txapeketan agertu zen, Korn, Luke, Robinson, Thompson-Willie, [Buffy Alexander-Williams], [Laryssa Biesenthal], [Dorota Urbaniak] eta Kubet Weston ez-olinpikoarekin, zortzikoetan brontzezko domina bat irabazi zuten. [Heather Davis]-ekin Weston ordezkatuz, brontzea irabazi zuten errumaniarren eta holandarren atzetik 2000ko Sydneyko Udako Olinpiar Jokoetan.

Jokoen ondoren, erretiratu egin zen eta 2009.urtean Albertako Kirolaren Ospearen Aretoan sartu zen.

Kanpo estekak[aldatu | aldatu iturburu kodea]