Heinrich Schütz

Wikipedia, Entziklopedia askea
Jump to navigation Jump to search
Heinrich Schütz, Rembrandten margolan batean

Heinrich Schütz (Köstritz, Turingia, 1585eko urriaren 9aDresden, 1672ko azaroaren 6a) alemaniar musikagilea izan zen. 1599an, koru-mutila izan zen Kasselgo gorteko kaperan. 1609-1612 urte-bitartean, musika-ikasketak egin zituen Venezian G. Gabrielirekin. Harrezkero, harreman estuak izan zituen beti Italiarekin. Geroago Kasselgo gorteko organista izan zen, eta 1617. urtetik hil arte, Dresdengo kapera-maisu. 1635-1641 urte-bitartean, Kopenhagen bizi izan zen, Danimarkako printzeak gonbidatua. Schütz XVII. mendeko alemaniar musikagilerik handiena izan zen. Haren musika-lanetan italiar, holandar eta frantses moldeak nahasten dira. Koru-musika dramatiko ezin hobea idatzi zuen, eta moteteak Lassusek eta J.S. Bachek idatzi zituztenekin pareka daitezke. Lan aipagarriak dira, besteak beste: Il 1° libro de madrigali (1611); Concerte (1618); Psalm CXXXIII (1621); Cantiones sacrae (1625); Symphoniae sacrae (1629); Jesu Kristo gure Jaunaren pasio eta heriotza (lau pasio, lau ebanjelioen arabera).

Lan nagusiak[aldatu | aldatu iturburu kodea]

  • Il primo libro de madrigali (Venezia, 1611)
  • Psalmen Davids (Dresden, 1619)
  • Historia der frölichen und siegreichen Aufferstehung ... (Dresden, 1623)
  • Cantiones sacrae (Freiberg, 1625)
  • Psalmen Davids (Freiberg, 1628)
  • Symphoniae sacrae (Venezia, 1629)
  • Musicalische Exequien (Dresden, 1636)
  • Kleine geistliche Konzerte (Leipzig, 1636)
  • Symphoniae sacrae (Dresden, 1647)
  • Geistliche Chor-Musik (Dresden, 1648)
  • Symphoniae sacrae (Dresden, 1650)
  • Zwölff geistliche Gesänge (Dresden, 1657)
  • Psalmen Davids (Dresden, 1661)

Erreferentziak[aldatu | aldatu iturburu kodea]


Wikimedia Commonsen badira fitxategi gehiago, gai hau dutenak: Heinrich Schütz