Herbert Heckmann

Wikipedia, Entziklopedia askea
Jump to navigation Jump to search
Herbert Heckmann
Bizitza
Jaiotza Frankfurt am Main1930eko irailaren  25a
Herrialdea  Alemania
Heriotza Bad Vilbel1999ko urriaren  18a (69 urte)
Hezkuntza
Hezkuntza-maila doktoretza
Hizkuntzak alemana
Jarduerak
Jarduerak unibertsitateko irakaslea eta idazlea
Kidetza Academy of Sciences and Literature Mainz Itzuli
Alemaniako hizkuntza eta literatura akademia

Herbert Heckmann (Frankfurt, Alemania, 1930 - Bad Vilbel, 1999) alemaniar idazlea izan zen.

Biografia[aldatu | aldatu iturburu kodea]

Aleman filologia eta filosofiako ikasketak egin zituen Frankfurten. Unibertsitateko laguntzaile izan zen Münsteren eta Heidelbergen, eta irakasle gonbidatua Evanstoneko Unibertsitatean (Illinois), 1965 eta 1967 bitartean.

1977az geroztik Darmstadteko Hizkuntza eta Literatura Akademiako kide izan zen. Hitz lauzko lanez gainera, konposizio lirikoak eta haurrentzako ipuinak idatzi zituen, eta baita irrati eta telebistarako gidoiak ere.

Oso gazterik eman zen ezagutzera, Das Portrait (1958, Erretratua) kontakizunarekin, Kafkaren estiloa gogorazten duen parabola sorta bat, eta Benjamin und seine Väter (1962, Benjamin eta bere gurasoak) eleberri ironikoarekin. Eleberri horretan, Benjamin sasikumearen, bere amaren eta aitaordearen bizitza kontatzen da, Weimarko Errepublikaren garaian, eta Benjaminen ibilerak bere benetako aitaren bila, harik eta Parisen aurkitzen duen arte, pailazo pobre batekin.

Haurrentzako liburuei, hala nola Geschichten vom Löffelchen (1970, Koilaratxoaren historiak) lanari, jendeak eta kritikariek oso harrera ona egin zieten bezala, hitz lauzko lanek, berriz, ez zuten halako arrakastarik izan. Aipagarrienak Schwarze Geschichten (1964, Historia beltzak) eta Der große Knock-out in sieben Runden (1972, KO zazpi borrokalditan) dira.

Erreferentziak[aldatu | aldatu iturburu kodea]