Host (filma)

Host (filma)
Jatorria
Argitaratze-data	2020
Estreinaldi-data	2020ko uztailaren 30a
Izenburua	Host
Jatorrizko hizkuntza	ingelesa
Jatorrizko herrialdea	Erresuma Batua
Banatze bidea	theatrical release (en) eta eskatu ahalako bideo
Ezaugarriak
Genero artistikoa	misteriozko zinema eta beldurrezko zinema
Iraupena	56 minutu
Kolorea	koloretakoa
Zuzendaritza eta gidoia
Zuzendaria(k)	Rob Savage (en)

Host 2020ko Rob Savage britainiar zinema zuzendariaren beldurrezko filma da.

Sinopsia[aldatu | aldatu iturburu kodea]

Oharra: Atal honek istorio osoa edo amaiera argitzen du.

Pandemiaren hedapen betean, itxialdian dira herritar guztiak. Tartean dira filmean ageri diren sei pertsonaia nagusiak: lagun talde bat, bakoitza bere etxean, pandemiaren ondorioz indarrean jarritako neurriak betetzen. Ezin dira kalera irten, ezta lagunekin edo familiarekin bildu ere, eta, testuinguru arraroak eraginda, aurretiaz esploratu ez dituzten komunikazio bideak probatuko dituzte. Zoom da komunikazio tresna horietako bat. Hodei birtualean oinarritutako bideokonferentzia zerbitzu bat da, eta beste pertsona batzuekin birtualki elkartzeko erabiltzen da. Hain justu, tresna hori erabiliz komunikatzen dira pertsonaiak, eta, bideo dei birtual horietako batean, espiritismo saio bat egiten dute. Erabaki hori uste baino arriskutsuagoa suertatuko da sei lagunentzat, esperientzia izugarriak biziaraziko baitizkie. Espiritu ilun eta maltzur bat haien etxeetara sartuko da, eta espiritu gaiztoaz nola libratu deskubritu beharko dute.^[1]