Hubara-basoilo afrikar
| Hubara-basoilo afrikar | |
|---|---|
| |
| Iraute egoera | |
 Kaltebera (IUCN 3.1) [1] | |
| Sailkapen zientifikoa | |
| Klasea | Aves |
| Ordena | Otidiformes (en)  |
| Familia | Otididae |
| Generoa | Chlamydotis |
| Espeziea | Chlamydotis undulata (Jacquin, 1784)
|
| Banaketa mapa | |
 | |
| Datu orokorrak | |
| Masa | 68 g arra: 1,96 kg emea: 1,15 kg |
| Kumaldiaren tamaina | 2,4 |
| Errute denbora | 24 egun |
Hubara-basoilo afrikarra[2] (Chlamydotis undulata) Chlamydotis generoko animalia da. Hegaztien barruko Otididae familian sailkatua dago. Iparraldeko Afrikan eta Kanarietan bizi da.
Ugalketa
[aldatu | aldatu iturburu kodea]Arriskuan dagoen hegaztia izanik, berreskuratzeko programa bereziak daude indarrean, eta intseminazio artifiziala baliatzen da gatibu mantenduriko hegaztiak ugaltzeko. Hala ere, berreskuratze-programek ez dute arrakasta handiegirik lortu, batez ere gutxi direlako aurrera ateratzen diren txitak[3]. Emaitza eskas hauen arrazoiak bilatzeko azterketa sakonak egin dira, eta ondorioztatu da arraren gorteiatze-erakustaldia garrantzi handikoa dela hegazti hauetan. Arraren erakargarritasunak (kasu honetan gorteiatze-erakustaldiaren bitartez adierazten denak) geneen kalitatearen neurria adierazten du, edo horrela erreakzionatzen dute emeek behintzat. Ar erakargarriekin parekatzen direnean, emeek arrautza gehiago erruten dute, testosterona gehiago bideratzen diete arrautzei, txita gehiago jaio eta txita gehiago ateratzen dira aurrera.
Ugalekta kontrolatuko esperimentuetan, kalitate desberdineko ar erakustaldiak aurkeztu zituzten emeen aurrean, eta erakustaldi landuenak ikusi zituzten emeek baliabide gehiago bideratu zituzten arrautzetara, nahiz eta ernalketa ez etorri erakustaldia egin zuen arrarengandik (artifiziala izan baita esperimentuetan)[3].
Erreferentziak
[aldatu | aldatu iturburu kodea]- ↑ (Ingelesez)BirdLife International (2012) Species factsheet. www.birdlife.org webgunetitik jaitsia 2012/05/07an
- ↑ Euskal Batzorde Ornitologikoa. (2025). «Hubara-basoilo afrikar» Munduko hegaztien izen arruntak euskaraz (Txoriak.eus).
- ↑ a b «Arraren erakargarritasunaren garrantzia - Zientzia Kaiera» Zientzia Kaiera (Noiz kontsultatua: 2018-06-18).
Ikus, gainera
[aldatu | aldatu iturburu kodea]Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q290871
Multimedia: Chlamydotis undulata / Q290871
Espezieak: Chlamydotis undulata