Hugo Sánchez

Wikipedia, Entziklopedia askea
Hona jauzi: nabigazioa, Bilatu
Hugo Sánchez
Huguito.jpg
Bizitza
Jaiotza Mexiko Hiria1958ko uztailaren 11 (59 urte)
Herrialdea  Mexiko
Familia
Seme-alabak
Anai-arrebak
Hezkuntza
Heziketa Mexikoko Unibertsitate Nazional Autonomoa
Hizkuntzak gaztelania
Lanbidea
Lanbidea futbolaria eta futbol entrenatzailea
Ibilbidea
Taldeak Urteak J G
Flag of None.svg Club Universidad Nacional 1976-1981 188 97
Flag of None.svg Mexikoko futbol selekzio nazionala 1977-1994 58 29
Flag of None.svg San Diego Sockers 1979-1980 32 26
Flag of None.svg Club Atlético de Madrid 1981-1985 111 54
Flag of None.svg Real Madril 1985-1992 207 164
Flag of None.svg Club América 1992-1993 29 11
Flag of None.svg Rayo Vallecano 1993-1994 29 16
Flag of None.svg C.F. Atlante 1994-1995 31 13
Flag of None.svg L.A.S.K. Linz 1995-1996 20 6
Flag of None.svg FC Linz 1995-1996 20 6
Flag of None.svg F.C. Dallas 1996-1996 20 6
Flag of None.svg Club Celaya 1997-1997 12 2
Flag of None.svg Atlético Celaya 1997-1997 12 2
 
Posizio edo espezialitatea aurrelaria
Pisua 73 kilogramo
Altuera 174 zentimetro

Hugo Sánchez (Mexiko Hiria, Mexiko, 1958) futbolari profesional ohia da.

Bizitza[aldatu | aldatu iturburu kodea]

Odontologia ikasi zuen Mexikoko Unibertsitate Autonomoan, eta futbolari gisa Pumas taldean hasi zen jokatzen. Hirugarren mailan ari zela, golegile nagusia izan zen, eta, horri esker, gora egin zuen taldearen barruan. 1975ean Cannesko Txapelketan aritu zen, eta han ere gol gehien sartu zituena bera izan zen. Hala, hamazazpi urte zituela, jadanik ospetsu zen Mexiko osoan, eta kazetariek el niño de oro (Urrezko Mutikoa) esaten zioten. 1975ean, Panamerikar Jokoetako olinpiar taldearekin irabazle izan zen, eta ondoren, Montrealgoetan parte hartu zuen. Joko haien ondoren Mexikora itzuli zen, eta Pumas taldearen talde nagusian hasi zen.

1981ean Atlético de Madrid taldeak kontratatu zuen, eta hasiera zaila izan bazuen ere, arrakasta handia lortu zuen Espainian. 1985. urtea izan zen talde horretan egin zuen azkena eta golegile nagusia izan zen. Mexikora itzuli zen, Pumas taldera, baina berehala Real Madril taldeak hartu zuen. Madrilgo talde horrekin bost Liga Txapelketa irabazi zituen (1986, 1987, 1988, 1989 eta 1990), Errege Kopa bat 1989an, UEFA kopa bat 1986an, eta Superkopa bat 1991n.

Real Madrilgo jokalari zela 250 gol egin zituen, eta Ligako golegile nagusia izan zen hiru alditan. 1990-1991 denboraldian 15 alditan bakarrik jokatu ahal izan zuen, eta 12 gol besterik ez zuen egin, bi lesio izan baitzituen. Hurrengo denboraldian ere ez zituen partida asko jokatu, Real Madril taldeko zuzendaritzak ez jokatzeko isuna ezarri baitzion, UEFAko partida batera joan nahi izan ez zuelako. 1992an, Mexikoko América taldera joatea erabaki zuen, baina hurrengo urtean Espainiara itzuli zen Rayo Vallecano taldean aritzeko asmoz. Azken talde horretan ez zen ondo ibili eta Mexikora itzuli zen. 1996an utzi zuen futbol profesionala.

FIFA 100 zerrendan (bizi diren futbolari onenen zerrenda) dago, bai eta FIFAko adituek osatzen duen XX. mendeko 50 Jokalari Onenak zerrendan ere.

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Hugo Sánchez Aldatu lotura Wikidatan