Iñaki Pikabea

Iñaki Pikabea
Eusko Legebiltzarreko legebiltzarkideak I. legealdian 1980 - 1984
Bizitza
Jaiotza	Errenteria, 1947ko abuztuaren 5a (73 urte)
Herrialdea	Gipuzkoa, Euskal Herria
Hezkuntza
Hizkuntzak	gaztelania
Jarduerak
Jarduerak	politikaria eta terrorista
Kidetza	Euskadi Ta Askatasuna
Sinesmenak eta ideologia
Alderdi politikoa	Herri Batasuna

Iñaki Pikabea Buruntza, Piti (Errenteria, Gipuzkoa, 1947ko abuztuaren 5a), ETA erakunde armatuko militante ohia da. 1980 eta 1984 urte artean, Euskal legebiltzarkidea izan zen Herri Batasuna alderdiaren bitartez.

1979ko otsailaren 19an atxilotua izan zen ETAko partaide izatea egotzita . Kartzelan zegoela, Eusko Legebiltzarrerako hautatua izan zen Herri Batasuna koalizioaren bidez. Horrela, 1980an parlamentari izendatu zuten lehen hauteskunde autonomikoetan.

1981eko ekainean 33 urteko espetxe zigorra ezarri zioten ETAko kidea izateagatik eta 1977an, Irungo zinegotzi Julio Martinez Ezquerroren hilketan parte-hartzeagatik.

1985eko uztailaren 7an Martuteneko espetxetik ihes egin zuen Joseba Sarrionandiarekin batera. Imanol kantariaren kontzertu bat zela aprobetxatuz, bozgorailu baten barruan ezkutatu ziren kartzelatik ihes egiteko. Gertaera haren omenez Kortatu taldeak Sarri, Sarri kanta ospetsua egin zuen.

1987ko urrian Frantzian atxilotu zuten eta Espainiara estraditatu zuten bere zigorra bete zezan.

2000. urteko martxoan libre geratu zen.

Erreferentziak

• Datuak: Q3045483