I Still Believe (filma)

Wikipedia, Entziklopedia askea
I still believe» orritik birbideratua)
I Still Believe (filma)
Jatorria
Argitaratze-data2020
IzenburuaI Still Believe
Jatorrizko hizkuntzaingelesa
Jatorrizko herrialdeaAmeriketako Estatu Batuak
Banatze bideaeskatu ahalako bideo
Ezaugarriak
Genero artistikoafilm dramatikoa eta Film biografikoa
Iraupena115 minutu
Zuzendaritza eta gidoia
Zuzendaria(k)Andrew Erwin (en) Itzuli
Jon Erwin (en) Itzuli
[[Kategoria:Andrew Erwin (en) Itzuli zuzendutako filmak]]
[[Kategoria:Jon Erwin (en) Itzuli zuzendutako filmak]]
Gidoigilea(k)Jon Erwin (en) Itzuli
Jon Gunn (en) Itzuli
Madeline Carroll
[[Kategoria:Jon Erwin (en) Itzuli idatzitako filmak]]
[[Kategoria:Jon Gunn (en) Itzuli idatzitako filmak]]
Antzezlea(k)
KJ Apa (en) Itzuli
Britt Robertson
Melissa Roxburgh (en) Itzuli
Nathan Parsons
Shania Twain
Gary Sinise
[[Kategoria:KJ Apa (en) Itzuli antzeztutako filmak]]

[[Kategoria:Melissa Roxburgh (en) Itzuli antzeztutako filmak]]


Ekoizpena
EkoizleaKevin Downes
Jon Erwin (en) Itzuli
Andrew Erwin (en) Itzuli

[[Kategoria:Jon Erwin (en) Itzuli ekoitzitako filmak]]
[[Kategoria:Andrew Erwin (en) Itzuli ekoitzitako filmak]]
Konpainia ekoizleaKingdom Story Company (en) Itzuli
[[Kategoria:Kingdom Story Company (en) Itzuli ekoitzitako filmak]]
Bestelako lanak
MusikagileaJohn Debney
Fikzioa
Kontakizunaren tokiaKalifornia

istillbelievemovie.com
IMDB: tt9779516 Filmaffinity: 207314 Allocine: 271592 Rottentomatoes: m/i_still_believe Mojo: istillbelieve Allmovie: v721595 TCM: 9779516 Metacritic: movie/i-still-believe
Twitter: istillbelieve Edit the value on Wikidata
BideoaYouTube

I Still Believe amodiozko dramako pelikula bat da eta 2020an Erwin anaiek zuzendu zuten. Bertan, protagonista nagusien rolak KJ Apa, Britt Robertson, Shania Twain, Melissa Roxburgh eta Gary Sinise izeneko aktoreek antzezten dituzte. Garrantzitsua da aipatzea, pelikula benetako gertaera batean oinarrituta dagoela, zehazki, Jeremy Camp abeslari eta konpositore estatubatuarraren eta Melissa Lynn Henning-Camp, bere lehen emaztearen, bizitzan. Are gehiago, pelikularen izenburua Campen "I Still Believe" abestitik dator eta pelikulak kristautasuna agerian jartzen du, Estatu Batuetako zenbait estatuetan dagoena.

Filma Kingdom Story Companyren lehen ekoizpena da eta Erwin anaien bosgarren film luzea. Gainera, Lionsgateren bidez egindako bigarren estreinaldia da. 2020ko martxoaren 7an ArcLight Hollywooden estreinatu zen eta 2020ko martxoaren 13an Estatu Batuetan.

Sinopsia[aldatu | aldatu iturburu kodea]

Oharra: Atal honek istorio osoa edo amaiera argitzen du.

Jeremy musikari estatubatuar eta musikagilearen bizitza erabat aldatu zen unibertsitatera ikastera joan zenean. Izan ere, laguntzaile gisa zenbait kontzertuetan lan eginez, Melissa ezagutu zuen, bere bizitzako maitea bilakatu zena. Une horretan erabat maitemindu zen eta, ahalegin handia egin ondoren, Melisa berataz maitemintzea lortu zuen. Dena den, doktoreen berri larri batek egoera guztiz aldatu zuen: Melissak minbizia zuen. Honen aurrean, biek ezkontzea erabaki zuten eta gaixotasuna kudeatzeko, Melissari proba asko egin behar izan zizkioten. Zorionez, bere aurka borrokatzea eta irabaztea lortu zuen! MINBIZIA GARAITU ZUEN!

Berri onei esker, ezkondu eta eztei-bidaiara abiatu ziren. Baina zoriontasunak ez zuen asko iraundu. Oporretan zeudela, Melissa gero eta okerrago sentitzen hasi zen eta ospitalera eraman behar izan zuten: minbizia itzuli zen. Zoritxarrez, oraingoan Melissak ezin izan zuen jasan eta hil egin zen. Jeremyri Melissaren istorioa bere abestien bidez munduari kontatzeko beste aukerarik ez zitzaion geratu. Urteen poderioz, Jeremy abeslari eta konpositore ezaguna izatera iritsi zen, eta egunero bere jarraitzaile guztiei Melissarengandik ikasitako guztia transmititzen saiatzen zen. Baina hor ez zen bere istorioa amaitu. Melissak beti amestu izan zuen bere esperientziak norbaiten bizitza aldatzea, eta Jeremyk bere kontzertuetako batean, Adrienne ezagutzeko aukera izan zuen, Melissak bizitza aldatu zion pertsona. Denborarekin, Jeremy, bere gaztaroko maitasuna ahaztu gabe, Adriennerekin ezkondu zen, eta berarekin familia izan zuen.

Antzezleak[aldatu | aldatu iturburu kodea]

Benetako gertaera[aldatu | aldatu iturburu kodea]

I Still Believe pelikula Jeremy Camp musikariaren bizitzan oinarrituta dago, batez ere, berak eta Melissak bizitako maitasun istorioan. Pelikulak kontatzen duena errealitatean gertatu zen eta Jeremy, gaur egun, Adriennekin ezkonduta dago eta berarekin familia izan du. Dena den, Melissa-z ez da ahaztu eta bere kontzertuetan, oraindik, bere istorioa kontatzen du. Aipatzekoa da, pelikularen amaieran benetako Jeremy Camp, Adrienne eta haien seme-alabak agertzen direla.

Ekoizpena[aldatu | aldatu iturburu kodea]

2018an Erwin anaiek eta Lionsgatek, I Can Only Imagine filmaren arrakastaren ondoren,  lortutako lehen proiektua da. Jeremy Campek aktiboki parte hartu zuen filmaren ekoizpenean eta MeryMeko Bart Millard abeslari eta konpositoreak (haren bizitza Erwin Brothersen I Can Only Imagine filmean kontatua izan zen) ekoizle exekutibo bezala jardun zuen, Camp, Jon Gunn eta beste batzuekin batera.

Kastinga[aldatu | aldatu iturburu kodea]

2019ko apirilean, CinemaCon-en iragarri zen KJ Apa izango zela filmeko protagonista, Camp interpretatuz, eta Gary Sinisek egingo zuela Campen aitaren papera.

KJ Apak filmean agertzen diren abestiak abestu zituen, eta pelikularen istorioak asko erakarri zuela esan zuen: "bere maitasuna proban jartzen da film honetan", eta gaineratu zuen: "bere beldur eta desengainu handienetan zehar bidaiatzea eta oraindik sinesten jarrai daitekela frogatzea da helburua. Nire ustez, edonork, izan dezake harreman estua film honekin, maitasunari, galerari eta itxaropenari buruzko istorio bat baita". Gainera, I Still Believe filmean egin duen papera "egin dudan gauzarik bikainena" dela aitortu zuen eta Jeremy Campek Apa xehetasun guztiengatik asko kezkatu zela adierazi zuen.

Andrew Erwin zuzendarikideak esan zuen Apa eta Robertson aktoreek audientzia kristaua erakartzea espero zuela, baita kristauak ez direnak ere.

Musika[aldatu | aldatu iturburu kodea]

John Debney musikagilea filmeko musika idazteko kontratatua izan zen eta KJ Apak Jeremy Campek idatzitako zenbait abestiren interpretazioak abestu zituen, horien artean, "I Still Believe", "Walk by Faith" eta "This Man". Nabarmentzekoa da hirugarren aldia dela John Debneyk film kristau baterako soinu-banda konposatu duela, 2004an La Pasión de Cristo eta 2016an The Young Messiah filmeen ondoren.

Gidoia[aldatu | aldatu iturburu kodea]

Jon Erwin-k, Jon Gunn-k eta Madeline Carrol-k idatzi zuten I Still Believe filmaren gidoia. Filma Madeline Carrol gidoilariaren estreinaldia da. Egia da Jeremy Campek, filmaren gidoia irakurri baino lehen, zalantza asko zituela baina, irakurtzean, berehala gustatu zitzaion, haren arabera, "beharrezkoa eta ederra" baita.

Grabaketa[aldatu | aldatu iturburu kodea]

Grabaketa Alabamako Mobile eremuan hasi zen, 2019ko maiatzean. Gainera, aipatzekoa da, Kristopher Kimlinek, filmaren argazki zuzendariak, Erwin anaiekin kolaboratu zuela beste film batzuetan: Mom's Night Out, Woodlawn eta I Can Only Imagine.

Estreinaldia[aldatu | aldatu iturburu kodea]

I Still Believe 2020ko martxoaren 7an Hollywoodeko ArcLight Hollywooden estreinatu zen, Lionsgatek martxoaren 13an estreinatu zuen eta IMAX zinemetan proiekzio goiztiarrekin martxoaren 11n agertu zen. Bitxia da esatea, I Still Believe fedean oinarritutako IMAX pantailetan estreinatu den lehen film luzea dela.

Sariak[aldatu | aldatu iturburu kodea]

2020an, filmak Dove Award bat irabazi zuen, urteko film inspiratzaile kategorian.

Abestien-bilduma[aldatu | aldatu iturburu kodea]

Abestien-bilduma
Zenb. Izenburua Iraupena
1. "I Still Believe" (KJ Apa-k abestuta; Jeremy Camp-k idatzita) 3:42
2. "Jeremy Says Goodbye" (Debney-k idatzita) 4:05
3. "This Man" (KJ Apa-k abestuta; Jeremy Camp-k idatzita) 3:09
4. "Take My Hand" (David Leonard-k abestuta eta Jean-Luc Lajoie-k eta Yves Lajoie-k idatzita) 4:20
5. "Find Me in the River" (KJ Apa-k eta JJ Heller-k abestuta) 3:03
6. "Some Stars Shine Brighter Than Others" (Debney-k idatzita) 3:12
7. "My Desire" (KJ Apa-k abestuta; Jeremy Camp-k idatzita) 3:19
8. "Dwelling Places (Dialog)" (I Still Believe pertsonaien arteko elkarrizke) 0:59
9. "Right Here" (KJ Apa-k abestuta; Jeremy Camp-k idatzita) 3:29
10. "Melissa Loves Jeremy" (Debney-k idatzita) 2:07
11. "You Call I'll Answer" (David Leonard-k abestuta) 4:03
12. "Walk by Faith (Dialog)" (I Still Believe pertsonaien arteko elkarrizketa) 2:35
13. "Ancient Stories Still Relevant" (Debney-k idatzita) 4:44
14. "Hey, What's Your Name Again?" (Debney-k idatzita) 3:21
15. "Walk by Faith (2020 version)" (Jeremy Camp-k idatzita eta abestuta) 3:41
16. "I Still Believe (2020 Version)" (Jeremy Camp-k idatzita eta abestuta) 4:31
17. "I Can't Save Myself (Bonus Track)" (Adrienne Camp-k abestuta) 3:12

Kanpo estekak[aldatu | aldatu iturburu kodea]