Idi larrutua

Idi larrutua ; (Gehekelde ox);
Jatorria
Sortzailea(k)	Rembrandt
Sorrera-urtea	1655
Izenburua	De geslachte os eta The slaughtered ox
Mugimendua	Herbehereetako margolaritzaren Urrezko Aroa
Ezaugarriak
Materiala(k)	olio-pintura eta panel (en)
Dimentsioak	94 () × 69 () cm ;
Genero artistikoa	izadi hila
Egile-eskubideak	jabetza publiko
Deskribapena
Kokapena
Lekua	Room 844 (en)
Bilduma	Louvreko margogintza saila
Inbentarioa	MI 169
Jabea	Louis Viardot (en) , Pieter Locquet (en) eta Frantziar Estatua
Gertaera nabarmenak	1783ko irailaren 22a; Banaketa-kanal — Amsterdam

Idi larrutua (frantsesez Le Boeuf écorché) Rembrandt herbeheretar margolariak 1655an egindako olioa ohol gaineko margolana da, egilearen ezagunenetariko bat. «REMBRANDT F: 1655» izenpea darama eta Rembrandtek bere helduaroan margotu zuen, 1655ko porrota baino lehen.

Azterketa[aldatu | aldatu iturburu kodea]

Oso margolan berezia da bai gaiagatik, ez baitzen batere ohikoa bere lanetan, bai erakusten duen kalitateagatik. Dena dela, badago egilearen beraren antzeko beste lan bat, 1643an egina eta egun Glasgowko Kelvingrove arte museoan erakusten dena. Horren arabera, zenbait espezialistek lan hauek argiaren eta margoen gaineko aldaketak gauzaki berean aztertzeko eginiko lanak direla baieztatu dute.^[1]

Izadi hila bezala azter daiteke, aldi berean memento mori edo bizitzaren iheskortasunaren gaiaren inguruko hausnarketa ikus daiteke "Idi larrutuan". Horrelako irudiak Herbehereetako Urrezko Aroaren margolaritzan ez ziren arraroak, batez ere genero-eszenetan; eta hori da, alegia, margolan honek sortu duen polemika ezen animaliaren gorpuaren atzealdean emakume bat ikus daiteke eta, horren arabera, izadi hila baino gehiago genero-eszenaren margolana izango litzateke.

Lan honek gaur egungo bertsio batzuk izan ditu, bestak beste, Eugène Delacroix, Honoré Daumier, Francis Bacon eta Chaïm Soutine margolarien eskutik.