Ignacio Baleztena Azkarate

Ignacio Baleztena Azkarate
	;
Bizitza
Jaiotza	Iruñea, 1887ko apirilaren 2a
Herrialdea	Nafarroa Garaia, Euskal Herria
Heriotza	Iruñea, 1972ko irailaren 2a (85 urte)
Familia
Anai-arrebak	ikusi Joaquín Baleztena; Dolores Baleztena Ascárate;
Hezkuntza
Heziketa	Salamancako Unibertsitatea
Hizkuntzak	euskara; gaztelania
Jarduerak
Jarduerak	historialaria, politikaria, abokatua, kantugilea eta requeté soldier (en)
Sinesmenak eta ideologia
Erlijioa	Erromatar Eliza Katolikoa
Alderdi politikoa	Elkarte Tradizionalista

Artikulu hau idazle eta politikari nafarrari buruzkoa da; beste esanahietarako, ikus «Azkarate».

Ignacio Baleztena Azkarate (Iruñea, 1887ko apirilaren 2a - Iruñea, 1972ko irailaren 2a) nafar abokatu, idazle eta politikari karlista izan zen. Iruñeko Baleztena etxean bizi izan zen.

Biografia[aldatu | aldatu iturburu kodea]

Deustuko eta Salamancako Unibertsitateetan zuzenbidea ikasi zuen. Gazte-gaztetik politikari ekin zion, eta 1918an Iruñeko zinegotzi hautatu zuten. 1922an estreinaturiko Amaiurko oroitarriaren harira, haren aldeko jarrera hartu zuen. Espainiako Bigarren Errepublikan, Lizarrako estatutuaren alde egin zuen. Espainiako Gerra Zibilean, errekete boluntarioa izan zen, eta Emilio Molari lagundu zion.

Guda ondoren Nafarroako Museoko zuzendaria eta Eusko Ikaskuntzako kidea izan zen. El Pensamiento Navarro eta Diario de Navarra egunkarientzako ere lan egin zuen, Premin de Iruña eta Tiburcio de Orkabio ezizenak erabiliz. Joshe Miguel eta Radica astekari karlistak zuzendu zituen^[1]. Sanferminak ere bultzatu zituen: Uno de enero, dos de febrero... abestiaren egilea izateaz gain, Riau-riaua sustatu eta Muthiko Alaiak peña sortu zuen.