Iholdi Beristain

Wikipedia, Entziklopedia askea
Iholdi Beristain
Iholdi Beristain 2018.jpg
Go!azen telesailean (2018)
Bizitza
JaiotzaPortugalete2000ko martxoaren 21a (21 urte)
Herrialdea Bizkaia, Euskal Herria
Hezkuntza
Hizkuntzakgaztelania
Jarduerak
Jarduerakabeslaria eta aktorea
Lan nabarmenakGo!azen
Musika instrumentuaahotsa
IMDB: nm8850780 Edit the value on Wikidata

Iholdi Beristain Martinez (Portugalete, Bizkaia, 2000ko martxoaren 21a) euskal abeslari eta aktorea da. Ikus-entzunezko ikasketak gauzatzen ditu Euskal Herriko Unibertsitatean.

Biografia[aldatu | aldatu iturburu kodea]

Iholdi Beristain Asti Leku ikastolako ikaslea eta Eitb-ko Bago!azeko 2017ko irabazlea izan zen.[1]

Txikitatik euskal dantzak ikasten aritu da. Ballet, dantza klasiko, garaikidea eta modernoa ere ikasi ditu. Hainbat aurresku ta dantza suelto txapelketetan parte hartu du eta Ezkaixe dantzari taldearen partaidea da. Muskizko ikastolan dantza irakasle egon da. Etxean hasi zen abesten Iholdi, ta Portugaleteko bertso eskolara joan da. Txistua jotzen ikasi zuen lehendabizi, ondoren gitarra jotzen ere bai. Eta kantu eskolak ere jaso ditu. Musika barrua hustutzeko modua da berarentzat; sentimentu guztiak azaleratzen laguntzen dio.

Gustatzen zaizkion estiloen artean daude, popa, ska, soula eta baita baladak ere. Bere abestiekin jendearen bihotzera heldu nahi du.[2]

Go!azen txapelduna[aldatu | aldatu iturburu kodea]

Iholdirekin batera, Karmele Gurbindo, Iñaki Torralbo eta Maria Ereña iritsi ziren Zuriñe Hidalgok ETB1en aurkezten zuen saioko finalera. Finalaren lehen zatian Iñaki Torralbok Ed Sheeranen 'Thinking out loud' abestu zuen. Maria Ereñak Aerosmithen 'Cryin' aukeratu zuen, bere alde rockeroa erakutsiz. Karmele Gurbindo Janis Joplinen paperean sartu zen 'Me and my Bobby McGee' abestuz. Eta Iholdi Beristainek Adelen 'Someone like you' aukeratu zuen.

Lehen botazioaren ondoren, epaimahaiak Karmele Gurbindo eta Iholdi Beristain aukeratu zituen azken txanparako. Nor baino nor aritu ziren Portugaleteko eta Atarrabiako gazteak, bakoitza berak aukeratutako kanta banarekin: 'Aimer jusqu'a l'impossible' Iholdi Beristainek eta 'Who's lovin' you' Karmele Gurbindok.

Biek kritika oso onak jaso bazituzten eta Karmelek Xabier Saldiasek berriz ere negar egitea lortu bazuen ere, Iholdi Beristain izendatu zuen garaile epaimahaiak azkenean. Alex Sarduik, askorentzat epaimahaikide zorrotzena izan denak, "bere onena" eman zuela adierazi zion.[3]

Goǃazen eta ondorengo lanak[aldatu | aldatu iturburu kodea]

Goǃazen 4.0n Naia Badiolaren papera egin zuen, denboraldi horretan oinarritutako antzerki musikalean parte hartu zuen eta baita beste saio batzuetan ere, besteak beste gabon zahar gaueko saio berezian. Hurrengo denboraldian (Goǃazen 5.0) ere Naiaren papera egin zuen, eta antzerki musikalean parte hartu ez arren Bagoǃaz lehiaketako bigarren edizioan agertu zen coach gonbidatu gisa, baita Herri Txiki Kantari gabon gaueko saio berezian eta Goǃazen 2019 gabon zahar gaueko saio berezian ere. 2019ko otsailaren 15ean, denboraldiko azken atala emititu baino ordu batzuk lehenago, Iholdik telesailari agur esan zion bere Instagram kontuan argitaratutako mezu baten bidez eta hurrengo urtean ez zuela Goǃazen-en jarraituko eman zuen aditzera.[4]

2020an Goǃazen 2020 gabon zahar gaueko saio berezian parte hartu zuen, eta koronabirusaren pandemiaren ondorioz ekoitzitako Goǃazen etxean telesailean Naia Badiolaren papera egitera itzuli zen. 2020ko ekainean aurkezle lanetan hasi zen ETB 3ko Erronkan saioan.[5]

Filmografia[aldatu | aldatu iturburu kodea]

Telebista[aldatu | aldatu iturburu kodea]

Urtea Izenburua Papera Katea Oharrak
2017-2019 Bagoǃaz Lehiakidea / Coach gonbidatua ETB 1 Lehiakidea (2017, 10 atal)
  • Bagoǃaz 1.0, irabazlea (2017)

Coach gonbidatua (2018-2019, 3 atal)

  • Bagoǃaz 2.0 (2018, 2 atal)
  • Bagoǃaz 3.0 (2019, atal 1)
2017-2020 Goǃazen Naia Badiola ETB 1 Pertsonaia nagusia (2017-2019, 26 atal)
  • Goǃazen 4.0 (2017-2018, 13 atal)
  • Goǃazen 5.0 (2018-2019, 13 atal)

Gonbidatua (2020, 7 atal)

  • Goǃazen etxean (2020, 7 atal)
2018 Gure kasa Gonbidatua ETB 1 Atal 1
2018 Goǃazen 2018 Bere burua ETB 1 Gabon zahar gaueko saio berezia
2019 Goǃazen 2019 Bere burua ETB 1 Gabon zahar gaueko saio berezia
2020 Goǃazen 2020 Bere burua ETB 1 Gabon zahar gaueko saio berezia
2020 Erronkan Aurkezlea ETB 3 Ekain Ibargurenekin batera

Erreferentziak[aldatu | aldatu iturburu kodea]