Iker Casanova

Wikipedia, Entziklopedia askea
Iker Casanova


Eusko Legebiltzarkidea

2020ko abuztuaren 3a - 2023ko ekainaren 24a - Diana Urrea Herrera
Barrutia: Bizkaia
Hautetsia: Eusko Legebiltzarreko XII. legealdia

Eusko Legebiltzarkidea

2016ko urriaren 21a - 2020ko otsailaren 11
Barrutia: Bizkaia
Hautetsia: Eusko Legebiltzarreko XI. legealdia

Eusko Legebiltzarkidea

2014ko irailaren 2a - 2016ko abuztuaren 2a
Laura Mintegi
Barrutia: Bizkaia
Hautetsia: Eusko Legebiltzarreko X. legealdia
Bizitza
JaiotzaBarakaldo1972ko abenduaren 20a (51 urte)
Herrialdea Bizkaia, Euskal Herria
Jarduerak
Jarduerakpolitikaria eta idazlea
KidetzaEkin
Euskal Herria Bildu
Sinesmenak eta ideologia
Alderdi politikoa Euskal Herria Bildu

Iker Casanova Alonso (Barakaldo, Bizkaia, 1972ko abenduaren 20a)[1] euskal politikari, idazle eta ekintzailea da, Eusko Legebiltzarreko kidea X., XI. eta XII. legealdietan Bizkaitik Euskal Herria Bildu alderdiaren ordezkari gisa. Hainbat lan idatzi ditu euskal abertzaletasunari eta politikari lotuta.[1] 2009an Espainiako Auzitegi Gorenak kartzela zigorra ezarri zion 18/98 makrosumarioaren barnean Ekin taldeko buru izateagatik, zeina auzitegi hark "talde terroristatzat" jo zuen.[2][3] 2014ko irailaren 3an sartu zen Eusko legebiltzarrera[4] Laura Mintegi legebiltzarkidea ordezkatuz.

Biografia[aldatu | aldatu iturburu kodea]

Barakaldon jaioa, gaztetatik erakutsi zuen joera ekintzaile eta ezkertiarra. 2003ko urriaren 8an atxilotua izan zen Bilbon beste hainbat euskal ekintzaile eta abertzalerekin batera ustez Ekin taldeko zuzendaritzan parte hartzeagatik, 18/98 sumario ezagunaren ondorioz.[5] Baltasar Garzon epailearen aginduz egin zen operazioa, zeina Euskal Herriko historian Dena da ETA estrategiaren adibiderik argienetako bat den, sumario horren ondorioz, besteak beste, euskarazko egunkariak eta euskara eta euskal kultura sustatzea helburu zuten hainbat erakunde itxiarazi baitziren, "ETAren inguruaren" parte gisa hartu zirelako, ondoren frogatu zen bezala, bidegabeki.[3][6] Espainiako Auzitegi Gorenak 7 urte eta 6 hilabeteko espetxe zigorra ezarri zion.[7]

2011ean atera zen espetxetik[8] eta harrez geroztik hainbat elkarte ultraeskuindarren jomugan egon da, horren adibide Duintasuna eta Justizia elkarteak 2014an jarritako salaketa, zeinetan Casanovari legebiltzarkide izateko eskubidea zalantzan jarri zitzaion.[9] Euskal Herriko Auzitegi Gorenak salaketa artxibatu zuen 2015ean.[9]

2014ko irailaren 3an sartu zen lehenengoz Eusko Legebiltzarrera, X. legealdian, Laura Mintegi legebiltzarkide abertzalea ordezkatuz. Ondoren beste bi aldiz izan zen hautetsia (2016 eta 2020ko hauteskundeetan) eta ibilbide emankorra izan du Legebiltzarrean. Osoko bilkuretan, X. legealdian 30 parte-hartze erregistratu zitzaizkion, 80 inguru XI. legealdian eta 20tik gora XII. legealdian. Gainera, 16 batzorde baino gehiagotan parte hartu du, hala, Euskal Herria Bildu alderdiaren legebiltzarkide ezagunenetariko bat bihurtuz aipatutako legealdietan zehar.[10]

Erreferentziak[aldatu | aldatu iturburu kodea]

  1. a b www.funtsak.com, Funtsak-Diseño y Programación Web-. «Iker Casanova Alonso-(r)en liburuak. Biografia eta bibliografia» www.txalaparta.eus (Noiz kontsultatua: 2021-04-20).
  2. (Gaztelaniaz) «El exdirigente de Ekin Iker Casanova toma posesión del escaño dejado por Laura Mintegi» El Correo 2014-09-02 (Noiz kontsultatua: 2021-04-20).
  3. a b «Injustiziara bidaia» Argia (Noiz kontsultatua: 2021-04-20).
  4. Berria. «Iker Casanova EH Bilduko legebiltzarkide da, Mintegi ordezkatuta» Berria (Noiz kontsultatua: 2021-04-20).
  5. Berria. «Espainiako Poliziak eta Frantziakoak 34 lagun atxilotu dituzte elkar hartuta egin duten operazioan» Berria (Noiz kontsultatua: 2021-04-20).
  6. (Gaztelaniaz) SA, Baigorri Argitaletxea. (2018-01-05). «El 18/98 baja el telón dejando dolor pero sin lograr su objetivo» GARA (Noiz kontsultatua: 2021-04-20).
  7. El Tribunal Supremo condena a siete años y medio al barakaldés Iker Casanova por pertenencia a ETA. (Noiz kontsultatua: 2021-04-20).
  8. (Gaztelaniaz) Sebastián, AITOR UBARRETXENA / San. (2014-09-02). «Iker Casanova ocupará el escaño que deja Mintegi» elperiodico (Noiz kontsultatua: 2021-04-20).
  9. a b (Gaztelaniaz) EFE. (2015-01-10). «Archivada la denuncia de DyJ contra Iker Casanova (EH Bildu)» El País ISSN 1134-6582. (Noiz kontsultatua: 2021-04-20).
  10. Eusko Legebiltzarra: legebiltzarkideak eta organoak. Eusko Legebiltzarra.

Kanpo estekak[aldatu | aldatu iturburu kodea]