Inés Núñez de la Parte

Aldatu loturak
Wikipedia, Entziklopedia askea
Inés Núñez de la Parte
Bizitza
JaiotzaBilbo, 1974 (49/50 urte)
Herrialdea Bizkaia, Euskal Herria
Hezkuntza
HeziketaDeustuko Unibertsitatea
Harvard Unibertsitatea
IE Business School (en) Itzuli
Jarduerak
Jarduerakzuzendari exekutiboa, abokatua eta aholkularia
Enplegatzailea(k)Tubos Reunidos
Bilbo, Inés Núñezen jaioterria

Inés Núñez de la Parte (Bilbo, 1974) bizkaitar kontseilari eta goi-zuzendaria da, gobernu korporatiboan eta enpresen aholkularitza juridikoan aditua. Gaur egun, Betetze Organoko lehendakaria, Administrazio Kontseiluko idazkaria eta Tubos Reunidos-en Aholkularitza Juridikoko zuzendaria da, baita bere filialetako kontseilaria eta administratzailea ere.

Biografia[aldatu | aldatu iturburu kodea]

Inés Núñez de la Parte Carmina de la Parteren eta Francisco Javier Nuñezen alaba da. Hiru urte zituela, aita galdu zuen.[1] Inesek, txiki-txikitatik, ez zuen printzesa izan nahi, komandantea baizik, "Ge komandoaren" heroiaren adibideari jarraituz. Bigarren hezkuntza Bilbon (Bizkaia) eta San Josen (Kalifornia) ikasi ondoren, Zuzenbidean graduatu zen Deustuko Unibertsitatean.[2][3][2] 1998an, Bizkaiko Abokatutzaren Elkargoko (ICAV) Pedro Ibarreche Praktika Juridikoko Eskolako masterra egin zuen; 2004an, Enpresen Aholkularitza Juridikoko Masterra lortu zuen Deustuko Unibertsitatean; 2013an, Arbitrajeko Adituarena, ICAVren bidez; urte berean, zuzendaritza-trebakuntza osatu zuen Advanced Management Programarekin,[4][4][4][4][5][3] 2014. urtean Deloitte eta Spencer Stuart-eko Gobernu Korporatiboaren eta Administrazio Kontseiluen programarekin eta 2015. urtean, Harvard Unibertsitateko Leadership in Corporate Counsel Program (Boston AEB).

Ibilbide profesionala[aldatu | aldatu iturburu kodea]

Ingeteam, Zamudion (Bizkaiko parke teknologikoa)

Bost urtez abokatu elkartu aritu zen Bilboko boutique bulego batean.[3] Ondoren, Indar Electric-en zerbitzu juridikoak zuzendu zituen Beasainen (Gipuzkoan).[2] 2007an, Ingeteam industria-talde osoko zerbitzu juridikoen zuzendari korporatibo izendatu zuten, bost kontinenteetan. Zuzendaritza Batzordeko kidea eta Betetze Batzordeko idazkaria izan zen 2014az geroztik.

2015. urtean, “Top 100 Mujeres Lideres en España” rankingaren 4. edizioan Espainiako hamar zuzendari garrantzitsuenetako bat izan zen.[2][6][7][8] Elkarrizketa batean, Inések zera esan zuen: "zuzendaritza-postu batean, gizonezko mundu batean, emakume izatea aukera bat dela, baita enpresa barrutik aldaketa baten buru izateko ardura ere."[2]

2018an, Tubos Reunidos-en Aholkularitza Juridikoko zuzendari izan zen, eta sozietate horretako Administrazio Kontseiluko idazkari izendatu zuten.[9][10][11][12][13] Erreferentziazko emakumea da Administrazio Kontseiluetan.[4][14] Bere jarduera profesionala eta Eseuneko eta Deustuko irakasle izateko bokazio akademikoa uztartzen ditu, baita Deustuko Unibertsitateko Zuzenbide Fakultateko Ikasle Ohien Elkarteko lehendakariordea ere.[4]

Industria-enpresen arteko gatazkak konpontzeko epaile ere bada, eta Espainiako finalaren epaile izan da Philip C. Jessup International Law Moot Court Competition Lehiaketan nazioarteko zuzenbideko lehiaketaren bosgarren edizioan. 95 herrialdetako 645 unibertsitate inguru biltzen dituen lehiaketa da.[15][16]

Giza eskubideen defentsaren ibilbidea[aldatu | aldatu iturburu kodea]

Hemezortzi urte bete zituenean, aitak 38 urte zituela nola hil zen azaldu zion alabari amak. Amak egunkari bat zuen eskuan, non senarrak kontatutako gertaerak idatzita gordetzen zituen.[1] Francisco Javier Núñez Fernández, matematikako irakaslea, 1977an hil zen.[17] Amak esan zion maiatzaren 15ean, igandea, ohikoa zen bezala, Paco hiru urteko Inés alabarekin joan zela mezatara eta egunkaria erostera. Bilbora itzultzen zirenean, izkina tolestean, aita-alabek manifestazioa aurkitu zuten. ETAren indarkeria terroristaren eta Franco jeneralaren diktaduratik Espainiako gaur egungo monarkia parlamentariora egindako trantsizioaren testuinguruan, Euskadik amnistiaren aldeko bigarren astea ospatzen zuen. Bi polizia aita, alabaren aurrean jotzen hasi ziren. Pixkanaka, etxera iristea lortu zuen, atariaren barruan alaba babesteko, baina poliziek kolpatzen jarraitu zuten. Inések ez zuen ezer gogoratzen.[1] Bi egun geroago, eta abokatua zen anaiarekin kontsultatu ondoren, Inésen aita Justizia Jauregira joan zen gertaerak salatzera. Orduan, kaleko jantzitako bi polizia agertu ziren, eta furgoneta batera eraman zuten.[17] Horren ondorioz, Paco ospitaleratu eta hil egin zen.[17][1]

Núñez de la Parte familia isilik eta mehatxatuta bizi izan zen hamarkadetan. Inés, 2000. urtean, aitari terrorismoaren edo polizia-abusuen biktima izateko aitorpena eskatzeko inprimakiak eskatzera joan zen. Arratsalde horretan bertan, berak heriotza-mehatxuak jaso zituen telefonoz.[18][19] Urte askoan familiaren aurka egindako bidegabekeriak salatzen jarraitu ondoren, azkenean, 2012an Eusko Jaurlaritzaren aintzatespena jaso zuten, eta, 2021ean, Espainiako Gobernuaren onarpena, polizia-abusuen biktima gisa.[20][21][22] Aintzatespen hori lortzeko eta giza eskubideen errespetua sustatzeko, elkarrizketa ugari egin ditu Inések komunikabideetan, eta, ETAren biktimekin batera, Eraikiz plataforman parte hartu du, bakearen alde, baita Adi-Adian programan ere. Programa hori Bigarren Hezkuntzako ikastetxeetan eta Euskal Herriko Unibertsitateetan garatu da, bizikidetzaren inguruan kontzientziatzeko.[23] 2017az geroztik, Bakearen eta Bizikidetzaren aldeko Bilboko Foroaren[24] parte da, eta errespetuaren eta bizikidetzaren balioetan sakontzeko jarduerak eta programak bultzatzen ditu.[25][26]

Sariak eta aintzatespenak[aldatu | aldatu iturburu kodea]

  • 2013. urtean, Iberian Lawyer 40 under 40 Abokatutzaren Nazioarteko Saria eman zioten, enpresako aholkulari juridikoaren kategorian.[3][27]
  • 2014. urtean, bakearen aldeko jarduerarengatik, Eusko Jaurlaritzak ematen duen Giza Eskubideen René Cassin saria lortu zuen.[2][3]
  • 2015. urtean, Espainiako hamar zuzendarien arteko hautatu zuten, "Espainiako emakume aitzindarien top 100" zerrendan.[7]
  • 2016. urtean, AEDren Enpresa Saria eman zioten urteko Zuzentarauari (Bizkaiko Enpresaburuen eta Zuzendarien Elkartea).[28]
  • 2016. urtean, Txema Fínez saria jaso zuen, Justizia sustatzeagatik.[29][30]
  • 2016. urtean, General Counsel izendatu zuen Iberiar penintsulako erreferentzia Legal 500eko GC’s Powerlist-ek.[14]

Erreferentziak[aldatu | aldatu iturburu kodea]

  1. ↑ a b c d «Me pregunta que si se muere y yo le digo que sí», Consultado el 2020-03-31.. .
  2. ↑ a b c d e f Inés Núñez de la Parte: "la conciliación debería ser un valor fundamental en la gestión de las empresas". Consultado el 2020-03-31.. .
  3. ↑ a b c d e Inés Núñez de la Parte. General Counsel and Secretary of Compliance Committee Ingeneteam. Consultado el 2020-05-01.. .
  4. ↑ a b c d e f Inés Núñez, Ingeteam. Consultado el 2020-03-31.. .
  5. ↑ [https://www.cebek.es/Envios/Circular/Terceros/2017/Enpresan_bardin/Noviembre/Inesnunez.pdf Inés Núñez de la Parte. General Counsel y Secretaria del Comité de Cumplimiento de INGETEAM. Consultado el 2020-03-31.. ].
  6. ↑ Elegidas 4ª Edición.Consultado el 2020-03-31.. .
  7. ↑ a b La bilbaína Inés Núñez de la Parte, directiva de Ingeteam, entre las 10 mejores directivas de España. Consultado el 2020-03-31.. .[Betiko hautsitako esteka]
  8. ↑ [https://www.legal500.com/gc-powerlist/iberia-2016/ines-nunez-de-la-parte/ Inés Núñez de la Parte. Ingeteam General counsel and secretary of the compliance committee. Consultado el 2020-03-31.. ].
  9. ↑ "Las Top 100". Consultado el 2020-03-31.. .
  10. ↑ Las acciones de Tubos Reunidos caen un 10% tras la destitución de Guillermo Ulacia como presidente. Consultado el 2020-03-31.. .
  11. ↑ La igualdad es todavía un desafío pendiente para las empresas vascas. Consultado el 2020-03-31.. .
  12. ↑ Tubos Reunidos renueva su cúpula directiva tras la dimisión de Ulacia. Consultado el 2020-03-31.. .
  13. ↑ Forty under forty. Iberian Lawyer. Consultado el 2020-03-31.. .
  14. ↑ a b [https://www.legal500.com/gc-powerlist/iberia-2016/ines-nunez-de-la-parte/ Inés Núñez de la Parte. Ingeteam General counsel and secretary of the compliance commit. CONSTADO EL 2020-03-31.. ].
  15. ↑ «Las empresas reclaman árbitros especializados y que estén disponibles para sus asuntos» Confilegal 2017-05-12.
  16. ↑ «Spanish National Rounds - JESSUP Competition 58th Edition - 2017» Araoz & Rueda.
  17. ↑ a b c Muerto en Bilbao tras obligado a beber coñac y aceite de ricino. Consultado el 2020-04-15.. .
  18. ↑ Semana pro-amnistía en Euskal Herria, mayo de 1977. Consultado el 2020-04-15.. .
  19. ↑ Inés Núñez de la Parte: 'Hemos vivido amenazadas toda la vida'. Consultado el 2020-04-15.. .
  20. ↑ Víctimas policiales piden a Rajoy que no obstaculice su reconocimiento. Consultado el 2020-04-15.. .
  21. ↑ Cinco víctimas de ETA, una de los CAA, una del GAL y una de abusos policiales. Consultado el 2020-04-15.. .
  22. ↑ «2021-02-23-03» www.mptfp.es.
  23. ↑ «Víctimas que ofrecen su testimonio dicen que relatar sus vivencias es «duro» pero «ayuda a construir la paz»» El Correo 2016-10-26.
  24. ↑ Foro Bilbao por la Paz y la Convivencia. Consultado el 2020-04-15.. .
  25. ↑ El Foro "Bilbao para la Paz y la Convivencia" organiza su primer acto púbico y abierto a la ciudadanía bajo el lema "Mina. Dolumina. Bakemina. Testimonio de dolor en Bilbao.Consultado el 2020-04-15.. .
  26. ↑ Foro Bilbao para la Paz y la Convivencia. Consultado el 2020-04-15.. .
  27. ↑ La Directora de Servicios Jurídicos de Ingeteam, premiada por Iberian Lawyer. Consultado el 2020-03-31.. .
  28. ↑ X. Premio Empresarial AED. Consultado el 2020-03-31.. .
  29. ↑ Víctimas que ofrecen su testimonio dicen que relatar sus vivencias es «duro» pero «ayuda a construir la paz». Consultado el 2020 -03-31.. .
  30. ↑ Inés Núñez de la Parte: "Me gustaría que Sánchez, en nombre del Estado, pidiera disculpas a mi madre como víctima de abusos policiales". Consultado el 2020-03-31.. .

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Inés_Núñez_de_la_Parte&oldid=9170217"(e)tik eskuratuta