Inariko armarria

Wikipedia, Entziklopedia askea
Jump to navigation Jump to search
Inariko armarria

Aanaarko, Aanarko, Anárko edo Inariko armarria (finlandieraz, Inarin vaakuna; ipar samieraz, Anára vearjogovva) Finlandia iparraldean dagoen Inari udalerriaren ikur nagusia da.

Armarria 1954. urtean sortu zuen Ahti Hammar margolariak eta bere helburua, bertan agertzen diren objektuekin, udalerriaren ezaugarri nagusiak adieraztea izan zen; zelai beltz baten gainean, zilar koloreko koregono arraina agertzen da, elur-oreinen urrezko adarrak dituena buruaren soinean. Biak udalerriko animalia ohikoak dira, antzinako garaietatik udalerriaren motore ekonomikoaren funtsa izan direnak eta herritarren izaera markatu dutenak. Gaur egun, elur-orein zaintzak Inariren diru-sarrera nagusien iturri izaten jarraitzen du; eta koregonoa, aldiz, urtero eskualdeko turismoa sustatzen duten milaka arrantzale erakartzen dituen arraina da. Biak ala biak sami kulturan eta sinbologian eragin handia duten animaliak dira. Gainera, aipatzekoa da Inariko armarriak ere atzealde iluna duela; izan ere, kolore hitsak (grisa, beltza) Lappiko udalerriko armarrien bereizgarri nagusiak dira, eskualdeko zerua irudikatzen dutenak [1].

Ikur ofiziala udalbatzak onartu zuen 1954ko irailaren 28an (Barne Ministerioak hurrengo urteko otsailaren 25ean) [2].

Erreferentziak[aldatu | aldatu iturburu kodea]

  1.   «Heraldica Fennica». Den moderne finlandske kommunalheraldik – verdens bedste! Suomen Heraldinen Seura ISBN 951-35-1695-4 .
  2.   Suomen kunnallisvaakunat Suomen Kunnallisliitto 131 or. ISBN 951-773-085-3 .

Ikus, gainera[aldatu | aldatu iturburu kodea]