Ines Artajo Ayesa
Ines Artajo Ayesa | |
---|---|
Bizitza | |
Jaiotzako izen-deiturak | María Inés Artajo Ayesa |
Jaiotza | Iruñea, 1956 (67/68 urte) |
Herrialdea | Nafarroa |
Hezkuntza | |
Heziketa | Nafarroako Unibertsitatea |
Hizkuntzak | gaztelania |
Jarduerak | |
Jarduerak | kazetaria eta zuzendaria |
Enplegatzailea(k) | Diario de Navarra |
Jasotako sariak | ikusi
|
Inés Artajo Ayesa (Iruñea, Nafarroa Garaia, 1956) nafar kazetaria da. Diario de Navarrako zuzendaria izan zen 2006 urtetik 2021 urtera.[1]
Biografia[aldatu | aldatu iturburu kodea]
Iruñean jaio zen, eta haurtzaroa Uxuen (Nafarroa) igaro zuen, aita Udaleko idazkaria baitzen herrian, eta hantxe bizi izan zen hamaika urtera arte. Nafarroako Unibertsitatean Informazio Zientzietan lizentziatu zen 1979an.
Kazetari ibilbidea[aldatu | aldatu iturburu kodea]
Hogei urterekin Diario de Navarra egunkarian bekadun gisa iritsi zen.[2] 43 urtez egon zen Nafarroako egunkarian, 2021eko irailean erretiratu zen arte. Bere kazetaritza-ibilbidean, Nafarroako gizarteko dozenaka pertsonari elkarrizketa sakonak egin zizkien, hainbat arlotakoak: politika, medikuntza, zuzenbidea, kirola, kultura. Kronika politikoaz ere arduratu zen.[3]
Zuzendari[aldatu | aldatu iturburu kodea]
2006ko urtarrilaren 1ean Diario de Navarraren zuzendaritza hartu zuen, Julio Martínez Torresen ordez.[4] Urte haietan, egunkariaren eta haren edizio digitalaren eraldaketaren buru izan zen, irakurleen behar berrietara egokituz; ETA erakunde terroristaren mehatxuari aurre egin zion; Covid-19 pandemiari aurre egin zion, erredakzioaren eta Nafarroako egunkariaren atalen egitura egoera berri horretara egokituz; eta egunkariaren edizio inprimatua berritu zuen, 2022ko urtarrilean beste errotatiba bat eskuratuta.[1]
2021eko irailaren 23an jubilatu zen Diario de Navarrako zuzendaritzaren buru, eta ordura arte zuzendariordea lanetan aritu zen Miguel Ángel Riezuk ordezkatu zuen.[5]
Monografia[aldatu | aldatu iturburu kodea]
- Entrevistas con Navarra al fondo: personas y momentos, Pamplona, Ediciones y Libros, 2003, 419 or. ISBN 8496197093.
Sariak[aldatu | aldatu iturburu kodea]
- 2022an Luca de Tena saria.[6]
Erreferentziak[aldatu | aldatu iturburu kodea]
- ↑ a b G. Mora, Jaime. (27 de abril de 2022). Inés Artajo: «Los periódicos regionales somos imbatibles a la hora de aportar proximidad». Madrid, 43 or..
- ↑ Redacción. (3 de enero de 2006). Nueva directora del Diario de Navarra. .
- ↑ Rubio, Jesús. (28 de abril de 2022). Inés Artajo, exdirectora de ‘Diario de Navarra’, recibe el premio Luca de Tena. Pamplona, 44-45 or..
- ↑ Redacción. (3 de enero de 2006). La periodista Inés Artajo Ayesa, nueva directora de Diario de Navarra. Pamplona.
- ↑ Redacción. (24 de septiembre de 2021). Miguel Ángel Riezu, nuevo director de ‘Diario de Navarra’. Zaragoza.
- ↑ Andrés Trapiello, Inés Artajo y Emilio Morenatti, premios Mariano de Cavia, Luca de Tena y Mingote. La Coruña 29 de abril de 2022.