Into the Wild

Into the Wild
Jatorria
Argitaratze-data	2007
Izenburua	Into the Wild
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Banatze bidea	eskatu ahalako bideo
Ezaugarriak
Genero artistikoa	Dokudrama, film dramatikoa, liburu batean oinarritutako filma, Film biografikoa eta Road moviea
Iraupena	148 minutu
Kolorea	koloretakoa
Deskribapena
Oinarritua	Into the Wild (en)
Grabazio lekua(k)	Kalifornia, Mexiko eta Arizona
Zuzendaritza eta gidoia
Zuzendaria(k)	Sean Penn
Gidoigilea(k)	Sean Penn
Antzezlea(k)
	Emile Hirsch (Christopher McCandless); Marcia Gay Harden ; William Hurt ; Jena Malone ; Catherine Keener ; Vince Vaughn ; Kristen Stewart ; Hal Holbrook ; Brian H. Dierker ; Steven Wiig ; Zach Galifianakis ; Haley Ramm ; Merritt Wever (en) ; Thure Lindhardt ; R. D. Call ; Signe Egholm Olsen (en)
Ekoizpena
Ekoizlea	Art Linson; Sean Penn; Bill Pohlad
Konpainia ekoizlea	Paramount Vantage (en)
Edizioa	Jay Cassidy (en)
Ekoizpen-diseinatzailea	Derek R. Hill (en)
Bestelako lanak
Musikagilea	Michael Brook; Kaki King (en) ; Eddie Vedder
Argazki-zuzendaria	Éric Gautier
Jantzi-diseinatzailea	Mary Claire Hannan (en)
Fikzioa
Kontakizunaren tokia	Kalifornia, Hego Dakota, Los Angeles eta Arizona
Historia
Jasotako sariak	National Board of Review: Top Ten Films (en)
Nominazioak	Taldeko gizonezko aktore onenaren Oscar Saria ; 80. Oscar Sariak ; Hal Holbrook; Muntatze onenaren Oscar Saria ; 80. Oscar Sariak ; Jay Cassidy (en)
Bideoa	YouTube

Into the Wild 2007ko film biografikoa da, Sean Pennek idatzia, koprodukzitua eta zuzendua. Jon Krakauerren Into the Wild 1996ko liburuaren egokitzapena da; bertan, 1990eko hamarkadan Christopher McCandlessek Ipar Ameriketan zehar eta Alaskako eremu basatietan bizi izandako esperientziak kontatzen ditu. Filmeko antzezle nagusiak Emile Hirsch (McCandless), Marcia Gay Harden eta William Hurt izan ziren, azken biak guraso paperean.

2007ko Erromako Zinemaldian eman zen aurreneko aldiz, eta Alaskako Fairbanksen geroago. Urrezko Globo sarietarako bi izendapen izan zituen, eta jatorrizko abestirik onenarena irabazi zuen, Eddie Vedderren "Guaranteed" lanarekin. Oscar saritarako ere bi izendapen jaso zituen: muntatze onenarena eta taldeko gizonezko aktore onenarena (Hal Holbrook).

Argumentua

Filma narratiba ez linealean aurkezten da, atzerantz eta aurrerantz ebakiz McCandless-ek Alaskako lurralde basatian igarotako denbora eta Alaskako bidaia hasi aurretiko bi urteak. Argumentuaren laburpena, ordea, era kronologikoan kontatzen da.

1992ko apirilean, Christopher McCandless (Emile Hirsch) Alaskako Denali National Park and Preserve iparraldeko area bakarti batera iristen da. Chris-en preparazio eza kontuan izanik, inguruan zebilen ezezagun batek bota pare bat uzten dizkio. Chris lurralde basatian zehar sartzen da eta bere kanpamendua abandonaturiko herri autobus batean sortzen du; "Autobus Magikoa" izena jarriko dio. Hasieran, McCandless pozik dago isolatutako bakardadean, naturaz inguratuta, eta landan bizitzearen zirrararekin. 22 kalibredun rifle batekin ehizatzen du, liburuak irakurtzen aritzen da, eta bere pentsamenduez beteriko egunerokoa betetzen du bere burua lurralde basatian bizitzeko prestatzen duen bitartean.

Bi urte lehenago, 1990ko maiatzean, McCandless ohore gorenez graduatu zen Emory unibertsitatean. Geroago, McCandless-ek bere ohiko bizitzari uko egiten dio bere kreditu txartel guztiak zein identifikazio pertsonaleko dokumentuak suntsituz. Ia bere aurrezki guztiak Oxfam-i ematen dizkio eta herrialdea zeharkatzen duen auto bidaia batean murgiltzen da lurralde basatian bizitzearen esperientziaren bila. McCandless-ek ez die gurasoei, Walt (William Hurt) eta Billie McCandless-i (Marcia Gay Harden), ezta bere arreba den Carine-ri (Jena Malone) egiten ari denaren berririk ematen. Behin bidaia hasi eta gero, edozein eratako kontaktua izateari uko egiten dio eta, ondorioz, gurasoen antsietateak gora egiten du, gero desesperaziora iritsiz.

Mead lakuan, McCandless-en autoa harea mugikorretan harrapatuta geratzen da eta, ondorioz, auto-stop egiten hasten da. Geratzen zitzaion diru apurra erre eta izen berri bat ematen dio bere buruari: "Alexander Supertramp." Kalifornia iparraldean, McCandless-ek bikote hippie bat aurkitzen du, Jan Burres (Catherine Keener) eta Rainey (Brian H. Dierker). Rainey-k Jan-ekin duen harreman hauskorrari buruz hitz egiten dio Mccandless-i eta azken honek harremana berpizten laguntzen dio. Irailean, McCandless Carthage-ra (Hego Dakota) iristen da eta uzta bilketako enpresa batean hasten da lanean, Wayne Westerberg (Vince Vaughn) ugazaba izanik. Sateliteak pirateatzen aritzearren Westerberg atxilotu egiten dute eta ondorioz, McCandless lana uztera behartzen dute.

McCandlessek orduan Colorado errekatik bidaiatzen du. Errekatik kayak bitartez bidaiatzeko beharrezkoa duen lizentzia aintzat hartu gabe, ibaian behera egiten du Mexikora heldu arte. Bertan, kayaka galtzen du hauts artean eta buelta egiten du AEB-tara oinez. Kargako tren batean Los Angelesera heltzen da eta, gutxira, gizarte moderno horretan deseroso sentitu eta alde egiten du bertatik ere. Trenbideetako poliziek McCandlessen berri izan eta kargako trenetan ibili izana leporatu ostean, honek "auto-stop" egiteko erabakia hartzen du.

1991ko abenduan McCandless Kaliforniako Slab hirira iristen da eta bertan, Jan eta Rainey topatzen ditu berriro ere. Bertan, Tracy Tatro (Kristen Stewart) ere ezagutzen du. Tracy-k McCandlessenganako interesa erakusten du, baina protagonistak ez du Tracyrekin harremanik izan nahi, adingabekoa baita neska. Oporren ostean, McCandlessek Alaskarako bidea hartzen du. Hilabete bat geroago, Kaliforniako Salton hirian, kanpatzen ari den bitartean, Ron Franz (Hal Holbrook) ezagutzen du. Ron Franz erretiratutako gizon bat da, behin eta berriz kontatzen duena bere familia auto istripu baten hil zela bera armadan zegoen bitartean. Orain, bere denbora larrua lantzen pasatzen du eta berak erakusten dio McCandless-i nola lan egin larruarekin. Bi hilabete Franz-ekin igaro ostean, Alaskarako bidearekin jarraitzea erabakitzen du McCandless-ek, nahiz eta Franz-en lagun mina egin den. Joan aurretik, Franzek, nota batean, bere kanpin denda zaharra eta bidaiatzeko materiala ematen dizkio baldintza batekin: bere biloba izatea onartzea McCandlessek. Honek, hori guztia Alaskako bidaiaren ostean hitz egingo dutela esan eta bidaiari ekiten dio.

Lau hilabete beranduago, McCandlessen bizitza zailagoa egiten da. Abandonatutako autobus batean egiten du lo, baina, bere hornigaia amaitzen ari dela, konturatzen da natura gogorra eta axolagabea ere badela. McCandlessek ondorioztatzen du benetako zoriontasuna besteekin partekatzean lortzen dela eta bere lagun eta familiarengana bueltatzeko bidea bilatu nahi du. Hala ere, konturatzen da ezin dela bueltatu, neguak bidea zarratu baitio elurra dela eta, beraz, autobusera bueltatzen da. Egoera kritiko horretan, McCandless landareak jatera behartua aurkitzen da. Landareak antzekoak izanik, pozointsua den bat jan eta gaixotu egiten da. Gutxinaka hiltzen ari den bitartean, bere auto-errealizaziorako dokumentatzen jarraitzen du eta azkenengo aldiz imajinatzen du bere familia. Azken gutuna idazten dio munduari, agurtzen, eta lo zakuan biltzen da bere azken minutuetan. Bi aste beranduago, bere gorpua bilatzen dute ehiztari batzuek. Gutxira, Carine Virginiara bueltatzen da bere anaiaren hautsekin.

Aktoreak

Emile Hirsch: Chris McCandless
Marcia Gay Harden: Billie McCandless
William Hurt: Walt McCandless
Jena Malone: Carine McCandless
Catherine Keener: Jan Burres
Hal Holbrook: Ron Franz
Brian H. Dierker: Rainey
Kristen Stewart: Tracy Tatro
Vince Vaughn: Wayne Westerberg
Zach Galifianakis: Kevin
Thure Lindhardt: Mads
Signe Egholm Olsen: Sonja
Merritt Wever: Lori
Jim Gallien: Himself
Leonard Knight: Himself
R. D. Call: Bull
Cheryl Harrington: social worker

Sariak

Oscar Sariak

Urtea	Kategoria	Hautagaia	Emaitza
2007	Aktore onena	Hal Holbrook	Hautagaia
2007	Muntaia onena	Jay Cassidy	Hautagaia

Urrezko globoak

Urtea	Kategoria	Hautagaia	Emaitza
2008	Kantu original onena	Eddie VedderMichael BrookKaki King	Irabazleak
2008	Soinu banda onena	Eddie Vedder	Hautagaia

Aktoreen sindikatuko sariak

Urtea	Kategoria	Hautagaia	Emaitza
2008	Aktore zerrenda onena		Hautagaiak
2008	Aktore onena	Emile Hirsch	Hautagaia
2008	Aktore zerrendako onena	Hal Holbrook	Hautagaia
2008	Aktore zerrendako onena	Catherine Keener	Hautagaia

Soinu banda originala

Pelikula honen soinu banda originala Eddie Vedderrek konposatu eta abestua da. Hau da pelikulan agertzen diren abestien zerrenda:

«Guaranteed»
«Rise»
«Long nights»
«Society»
«Setting Forth»
«No Ceiling»
«Far Behind»
«Tuolumne»
«Hard Sun»
«The Wolf»
«End Of The Road»

Kanpo estekak

Datuak: Q269912
Multimedia: Into the Wild / Q269912