Intsumisio

Wikipedia(e)tik
Hona jo: nabigazioa, Bilatu

Intsumisioa Espainiako armadari desobedientzia zibileko gizarte mugimendua izan zen, 1980ko hamarkadatik soldadutzaren desagerpena arte iraun zuena, 2000ko hamarkada arte alegia.

Kontzientzia Eragozpen Mugimendua aurrekari zuzena izan zuen, eta Euskal Herrian oihartzun handia izan zuen: Hamarka gazte kartzelan sartu zituzten, eta hainbat euskal erakunde publikokeuren sostengua aurkeztu zion mugimenduari.

Kronologia[aldatu | aldatu iturburu kodea]

  • 1937ko abuztuaren 18an Antonio Gargallo Mejía Jacan (Huesca) fusilatu zuten, Jehovaren Lekukoa izanda armadan sartzeari uko egin ondoren.
  • 1960ko hamarkadan ehundaka Jehovaren Lekuko kartzelatu zituzten Espainia osoan, desobedientziagatik.
  • 1971an Pepe Beunza militarki epaitu zuten Valentzian.
  • 1975ean lehenengo objetoreen taldeak sortu zituzten.
  • 1976an 285 objetore zeuden Espainiako espetxeetan.
  • 1977an Manuel Gutiérrez Mellado defentsa ministroak "incorporación aplazada" agindua eman zuen. Urte hartan bertan Movimiento de Objetores de Conciencia (MOC) elkartea sortu zuten.
  • 1979an MOCen lehenengo kongresua antolatu zuten Landan (Araba).
  • 1981ean Espainia NATOn sartu zen.
  • 1982an PSOEk estatu mailako hauteskundeak irabazi zituen. Urte hartan bertan eragozpen fiskalaren lehenengo kanpaina egin zuten.
  • 1984an "Mili KK" elkartea sortu zuten Katalunian, eta urte berean Kontzientzia Eragozpenaren Legea espainiar legebiltzarrean onartu zuten.
  • 1987an MOCek lehendabiziko intsumisio ekintzak burutu zituen, Ordezko Prestazio Sozialaren (OPS) aurkakoak.
  • 1989ko otsailaren 20an lehen aldiz intsumisoak publikoki aurkeztu ziren, banaka edo taldeka, 28 Hego Euskal Herrian eta 30 estatu espainiarreko beste leku batzuetan. Bitartean Enrique Múgica justizia ministroak mugimendua gogor kritikatu zuen eta lehenengo bi intsumiso epaitu zituzten.
  • 1990ean 386 objetore OPS betetzen ari ziren. Biartean estatu osoan 2.450 intsumiso zeuden, haietatik 130 atxilotuta zegoelarik.
  • 1991an Golkoko Gerra hasi zen, eta honek mugimendu antimilitarista biziki areagotu zuen.
  • 1992an intsumisoen aurka 107 epaiketa burutu zituzten.
  • 1993an Eusko Legebiltzarrak eta Kataluniako Parlamentuak intsumisioaren zigorgabetzea eskatu zuten.
  • 1994an Kakitzat elkarteak "Intsumisio Eguna" urtero antolatzeari ekin zion.
  • 1996an Euskal Udal Intsumisoen Mankomunitatea (EUDIMA) sortu zuten. Bitartean, estatu osoan 348 preso zeuden, euretako asko euskal herritarrak, eta urte hartan PPk hauteskundeak irabazi zituen.
  • 1997an EHUk eta Aragoiko uniberstitateak uko egin izoten intsumisoen aurkako zigorrak betetzeari.
  • 1998an soldadutza eta OPS denboraz berdindu zituzten.
  • 1999an espainiar armadak parte hartu zuen Jugoslavian bonbardaketetan.
  • 2000an soldaduzkaren azken deialdia egin zuten.

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]