Ipar Amerikako banalerro kontinentala
Ipar Amerikako banalerro kontinentala (Continental Divide edo Great Divide, ingelesez) Ipar Amerikako isurialde nagusiak, Ozeano Barekoa mendebaldean eta Atlantikoa eta Artikoa (ekialdean) bereizten dituen banalerroa da. Banalerroaren zatirik handiena Mendi Harritsuetan dago.
Iparraldetik Hegoaldera[aldatu | aldatu iturburu kodea]
Prince of Wales lurmuturrean hasten da banalerroa Alaskan, eta, ondoren, Yukon eta Columbia Britainiarrean zehar doa Kanadan (Albertarekin muga egiten du). Ondoren, AEBetara Montana, Wyoming, Colorado eta Mexiko Berriko zeharbidea egiteko. Ondoren, hegoalderantz jarraitzen du Mexikoko Mendebaldeko Sierra Madre mendilerrotik, Erdialdeko Amerikan sartuz[1].
Wyomingeko hegoaldeko zati batean, banalerroa Great Divide Basin izeneko arro itxi edo endorreikoa inguratuz bereizten da, ez Ozeano Barean ez Atlantikoan drainatzen ez duen eskualdea utziz barruan.
Montanan, National Park glaziarrean, Triple Divide Peak izeneko gailurra dago, eta han elkartzen dira Ipar Amerikako hiru isurialde kontinental nagusiak, Ozeano Barea, Atlantikoa eta Artikoa drainatzen ditu tontor horrek.
Continental Divide Trail (Banalerro Kontinentalaren Bidea) Estatu Batuetan barna antolatutako mendi ibilbide bat da, banalerroa jarraitzen duena[2].
AEBetan normala da banalerroa zeharkatzen duen mendiko portu orok kartel bat izatea hori adierazteko.
Erreferentziak[aldatu | aldatu iturburu kodea]
- ↑ (Ingelesez) Society, National Geographic. (2016-05-11). «continental divide» National Geographic Society (Noiz kontsultatua: 2022-02-26).
- ↑ (Ingelesez) «What is the Continental Divide - The Great Divide?» The Adventure Company 2016-11-30 (Noiz kontsultatua: 2022-02-26).
Kanpo estekak[aldatu | aldatu iturburu kodea]
| Autoritate kontrola |
|
|---|
Datuak: Q43743
Multimedia: Continental Divide of the Americas / Q43743