Irakurketa talde

Wikipedia, Entziklopedia askea
(«Irakurle klub» orritik birbideratua)
Jump to navigation Jump to search
Tortosako (Katalunia) irakurketa talde baten bilkura.

Irakurketa taldea[1][2], Irakurle klub[3][4], Irakurketa kluba[5], Irakurzaleen txokoak[6], Irakurzaleen klubak[7] edo literaturazaleen txokoak irakurtzeko antzeko gustuak dituzten pertsonek sortutako lan taldeak dira. Pertsona horiek haien iritziak eta inpresioak trukatzeko biltzen dira, askotan, moderatzaile moduan, espezialista, intelektual edo liburuzain ezagun batekin batera. Talde hauek genero desberdinak lan ditzakete baina ohikoena eleberria izaten da. Dead Poets Society film amerikarrak ohitura hau asko zabaldu zuen.

Egun, literatura kluben batzarretako deialdiak egiteko eta zabaltzeko blogak, posta-zerrendak eta sare sozialak erabiltzen dira. Antzinako literatura aretoak dira egungo literatura kluben jatorria.

Haurrekin eta nerabeekin egiteko aktibitate aberatsa izan daiteke. Hezkuntza munduan solasaldi literarioak edo solasaldi dialogikoak[8][9] egiten dira. Irakurketa taldeetan egiten denaren antzeko ekintzak egiten dira lehen eta bigarren hezkuntzako hainbat ikastetxetan. Baita helduen irakaskuntza zentroetan[10] ere.

Funtzionamendua[aldatu | aldatu iturburu kodea]

Thomas Bidegainekin solasaldia irakurketa talde batean.

Eredu desberdinak daude baina orokorrena hau da: taldeak liburu bat aukeratzen du eta irakurtzeko denbora bat ematen da. Irakurketa hori ez da elkarrekin egiten, norberak nahi duen tokitan baizik. Data bat ezartzen da eta egun horretan taldea bildu egiten da irakurritakoa komentatzeko, liburu osoa edo zati zehatz bat.

Bileretan, normalean, dinamizatzaile bat egoten da baina ez bere iritziak ezartzeko, guztiei ahotsa emateko eta eztabaida zuzentzeko baizik. Irakurleek liburuaren elementu desberdinak komentatzen dituzte: argumentua, pertsonaiak, estiloa... Bilera amaieran hurrengo egunerako irakurri behar dena zehazten da.

Taldean pertsona gehiegi egotea ez da ona. Hogei baino gutxiago izatea egokiago izan daiteke.

Helburuak[aldatu | aldatu iturburu kodea]

  • Irakurketaren zaletasuna zabaltzea.
  • Egile edo hizkuntza batekin zailtasunak dituzten pertsonei motibatzea eta laguntzea. Esaterako, horrelako klubak euskaraz irakurtzeko zabaltzen ari dira, jakinez pertsona askori zaila gertatzen zaiola hizkuntza horretan irakurtzea. Modan daude baita ere ingelesez irakurtzen duten taldeak.
  • Literatura ezagupenak zabaltzea.
  • Zaletasun baten inguruan lagun-taldea sortzea.
  • Eztabaida eta ideien trukaketa bultzatzea.

Irizpide batzuk[aldatu | aldatu iturburu kodea]

Horrelako taldeetan parte hartzeko hauek dira irizpide batzuk:

  1. Bileretan ez da ozenki irakurri behar.
  2. Eztabaidetan parte hartzea ez da derrigorrezkoa.
  3. Antolatzaileek liburua uzten dute; beraz, erostea ez da beharrezkoa.
  4. Doako aktibitatea izaten da.
  5. Liburuak etxera eraman daitezke.
  6. Nahiz eta aurretik jarritako testua ez irakurri, bileretara joatea librea da.
  7. Irakurketarekin batera beste aktibitateak egin daitezke: irteerak, filmak ikusi, aukeratutako egilearekin biltzea...

Erreferentziak[aldatu | aldatu iturburu kodea]

  1. ↑   «Irakurketa taldea» EHU Gipuzkoa . Noiz kontsultatua: 2019-01-12 .
  2. ↑   «Irakurketa Taldeak ikasturteko azken atala idatziko du bihar» Oarsoaldeko Hitza 2018-06-25 . Noiz kontsultatua: 2019-01-12 .
  3. ↑   «Irakurle klub feminista, Aramaion» goienamedia.eus . Noiz kontsultatua: 2019-01-12 .
  4. ↑   Irakurle-Klub feminista euskaraz Gorbeialdeko Kuadrillan . Noiz kontsultatua: 2019-01-12 .
  5. ↑   «IRAKURKETA KLUBA» orokietakomediateka.blogspot.com . Noiz kontsultatua: 2019-01-12 .
  6. ↑ (Ingelesez)  «Uribe Kostako irakurzaleen txokoa» egizu.eus 2010-09-18 . Noiz kontsultatua: 2019-01-12 .
  7. ↑   «IRAKURZALEEN KLUBA - Blogak.eus» blogak.eus . Noiz kontsultatua: 2019-01-12 .
  8. ↑   «Tertulia dialogikoak» www.alkartasunalizeoa.eus . Noiz kontsultatua: 2019-01-12 .
  9. ↑   Aldekoa, Iñaki (2017-02-17) «LITERATUR SOLASALDI DIALOGIKOAK / TERTULIAS LITERARIAS DIALÓGICAS» EUSKADIKO VI. LITERATUR SOLASALDI DIALOGIKOAK VI TERTULIAS LITERARIAS DIALÓGICAS DE EUSKADI . Noiz kontsultatua: 2019-01-12 .
  10. ↑   «goiztiri euskaltegia: Tertulia dialogikoaren prestaketa» goiztiri euskaltegia 2018-01-24 . Noiz kontsultatua: 2019-01-12 .

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]

"https://eu.wikipedia.org/w/index.php?title=Irakurketa_talde&oldid=6613657"(e)tik eskuratuta