Isaias Afewerki

Isaias Afewerki
	; (2022) Irudi gehiago
1. Eritreako presidente	; 1993ko maiatzaren 19a -
1. Eritreako presidente
Bizitza
Jaiotza	Asmara, 1946ko otsailaren 2a (80 urte)
Herrialdea	Eritrea
Familia
Ezkontidea(k)	Arsema Mehari
Hezkuntza
Heziketa	Addis Abebako Unibertsitatea
Jarduerak
Jarduerak	politikaria, lehendakaria eta estatuburua
Jasotako sariak	ikusi Order of Zayed ; Order of King Abdulaziz al Saud ; Order of the Republic of Serbia ;
Zerbitzu militarra
Parte hartutako gatazkak	Eritreako Independentzia Gerra; Etiopiako Gerra Zibila; Hanish uharteetako gatazka; Eritreako gerra zibilak; Eritrea eta Etiopia arteko gerra; Djibuti eta Eritrea arteko mugako gatazka
Ideologia eta sinesmenak
Erlijioa	monofisismoa; Eritreako Tewahedo eliza ortodoxoa
Alderdi politikoa	Demokrazia eta Justiziarako Herri Frontea

Isaias Afewerki edo Afwerki (tigrinyeraz: ኢሳይያስ ኣፈወርቂ; Asmara, Eritrea, 1946ko otsailaren 2a) eritrear gerrillari eta buruzagi politikoa da. Eritreako presidentea 1993ko maiatzaren 24tik.

Bizitza

1966an, 20 urte zituela, lotu zitzaion Afewerki Eritrea Etiopiatik askatzeko borrokari. Addis Abebako Unibertsitatean ikasten hasia zen, baina ikasketak utzi, eta Eritrearen Askapenerako Frontean (EAF) sartu zen. Txinara bidali zuten gero, trebatzera, eta handik itzultzean, eskualde baten ardura eman zioten. 1970ean, zatiketa gertatu zen EAF barruan. Afewerki Eritrearen Askapenerako Herri Frontean (EAHF) kokatu zen, eta guda-unitate baten agintaritza eman zioten.

1977an, EAHFren idazkari nagusiaren ordezko izendatu zuten, eta, hamar urte geroago, idazkari nagusi. 21 urte Etiopiaren aurkako gerrillan aritu ondoren, Afewerki armada garaile baten buru zela sartu zen Asmaran, Eritreako hiriburuan. 1991n behin-behineko gobernu baten buru hautatu zuten; gobernu hark Eritrearen etorkizuna erabakitzeko erreferenduma antolatu behar zuen bi urteko epean. Nahiz eta bera independentzia osoaren aldeko izan, Afewerkik ez zuen erabat baztertu konfederazio bat egitea Etiopiarekin, herri horren mendean baitzen egona Eritrea 1952az gero. 1993ko erreferendumean, Eritreak Etiopiatik bereiztea erabaki zuen, eta Isaias Afewerki izendatu zuten estatu jaioberriaren lehendakari.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Wikimedia Commonsen badira fitxategi gehiago, gai hau dutenak: Isaias Afewerki

Datuak: Q57348
Multimedia: Isaias Afwerki / Q57348