Ixtarren atea

Ixtarren atea
Jatorria
Sorrera-urtea	K.a. 575
Komisarioa	Nabukodonosor II.a
Honen izena darama	Ishtar
Ezaugarriak
Kokapena
Bilduma	Vorderasiatisches Museum Berlin (en)
Estatu burujabe	Irak
Governorate of Iraq	Babilonia probintzia
Hiria	Al-Hillah
Koordenatuak	32°32′36″N 44°25′20″E / 32.543333°N 44.422222°E

Ixtarren atea^[1] (asirieraz: ܕܵܪܘܲܐܙܲܐ ܕܥܵܐܫܬܲܪ, Darwaza D'Ishtar, arabieraz: بوابة عشتار‎, persieraz: دروازه ایشتار‎) Babilonia hiriko zortzigarren atea zen, Nabukodonosor II.a erregeak aginduta eraikia K.a. 575. urtean. Ixtar babiloniar jainkoari eskainia da eta bertan zezenak eta lehoiak azaltzen zaizkigu bereziki, beste animalia askoren artean.

Gaur egun zati ezberdinak munduko hainbat museotan barrena daude banaturik eta Berlingo Museoen uhartean kokatzen den Pergamo Museoan egiazko atalekin eginiko faximila dago. Irakeko gobernuak erreibindikatzen du Alemaniak itzuli egin behar duela eraikin hau dagokion tokira^[2].

Erabilitako teknika adreilu beiraztatua da, hau da, adreiluari beirazko berniz geruza bat ematen zaio eta egosi egiten da. Honela itxura distiratsu bat ematen zaio eta aldi berean kolorezko mundu batean murgiltzen.